Sh.Aimanov atyndaǵy «Qazaqfilm» kinostýdiiasy aýmaǵynda arnaiy ekonomikalyq aimaq qurylady. Bul týraly búgin QR Mádeniet jáne sport ministrligi Zań qyzmeti departamentiniń direktory Kúmis Seiitova aitty, dep habarlaidy "Ult aqparat".
«Qazaqfilmdi» jabý oiymyzda joq. Biz kinosýtdiiany damytýdy josparlap otyrmyz. Qazirgi ýaqytta kinostýdiia aýmaǵynda arnaiy ekonomikalyq aimaq qurý týraly sóz bolyp jatyr. Bul másele ázirshe talqylanýda, ol - ministrliktiń ideiasy», - dedi Zań qyzmeti departamentiniń direktory.
Onyń atap ótýinshe, ministrlik «Qazaqfilmniń» kino-fabrika nemese óndiristik tseh retinde jumys istegendigin qalaidy.
«Degenmen, qalai bolǵanda da aqshany bólip otyrýshy bolǵandyǵyn qalamaimyz. 2019 jylǵa deiingi ahýalǵa toqtalsam, biz aqshany «Qazaqfilmge» jiberemiz. Al olar aqshany bólip, ózderinde túsirilim jumystaryn júrgizedi. Sýbmerdigerlerdi shaqyryp, ózderiniń aýmaqtarynda, ózderiniń aqshasyna, ózderiniń qural-jabdyqtaryna jumys isteýge májbúrleidi. «Qazaqfilm» tóńireginde úlken syn da boldy», - dedi Kúmis Seiitova.
Aita keteiik, búgin «Eýraziia» kinofestivaliniń aiasynda Qazaqstannyń Ulttyq kinony qoldaý memlekettik ortalyǵynyń tanystyrylymy bolǵan edi.
