«Qazaqfilm» kinostýdiiasynda órtten kelgen shyǵyn kólemi esepteldi, dep habarlaidy "Ult aqparat".
Kinostýdiia politsiianyń órtke qatysty sotqa deiingi tergeý júrgizip jatqandyǵy týraly habarlady.
«Qazaqfilm Almaty qalalyq IID-nde «Qazaqfilm» kinostýdiiasyndaǵy órt shyǵý faktisi boiynsha qylmystyq is qozǵalǵanyn habarlaimyz. Bul tótenshe jaǵdai Almaty qalasy ákiminiń, QR Ishki ister ministri men Mádeniet jáne sport ministriniń jiti baqylaýynda. Sondai-aq, kinostýdiia ákimshiligi ishki tekserý jumystaryn júrgizip jatyr. Belgili bolǵandai eń aldymen órt orman qoimasynyń ashyq aýmaǵynda bastalǵan. Shamamen 20 minýttan keiin «Qazaq handyǵy» tarihi filmi úshin jasalǵan «Shaiban shahtyń ishki aýlasynan» órt shyqqan. Bul aǵash qurylym alǵashqy oshaqtan 300 metr qashyqtyqta ornalasqan. Ot shyqqan qoimada janǵysh materialdardyń bolmaýy men oǵan elektr toǵynyń tartylmaýy órttiń ózdiginen shyǵý faktisin joqqa shyǵarady», – dep jazylǵan kinostýdiianyń Instagram-daǵy paraqshasynda.
Qazirgi ýaqytta órttiń aldyn ala shyǵyny 48 981 130 teńgeni quraidy. Esepteýler jalǵasýda.
Eske salsaq, 14 tamyzda Qazaqfilm ǵimaraty órtke orandy. Almaty ákimi «Qazaqfilmde» órttiń shyǵý sebebin anyqtaýdy tapsyrdy.
