«قازاقفيلم» كينوستۋديياسىندا ٶرتتەن كەلگەن شىعىن كٶلەمٸ ەسەپتەلدٸ, دەپ حابارلايدى "ۇلت اقپارات".
كينوستۋدييا پوليتسييانىڭ ٶرتكە قاتىستى سوتقا دەيٸنگٸ تەرگەۋ جٷرگٸزٸپ جاتقاندىعى تۋرالى حابارلادى.
«قازاقفيلم الماتى قالالىق ٸٸد-ندە «قازاقفيلم» كينوستۋديياسىنداعى ٶرت شىعۋ فاكتٸسٸ بويىنشا قىلمىستىق ٸس قوزعالعانىن حابارلايمىز. بۇل تٶتەنشە جاعداي الماتى قالاسى ەكٸمٸنٸڭ, قر ٸشكٸ ٸستەر مينيسترٸ مەن مەدەنيەت جەنە سپورت مينيسترٸنٸڭ جٸتٸ باقىلاۋىندا. سونداي-اق, كينوستۋدييا ەكٸمشٸلٸگٸ ٸشكٸ تەكسەرۋ جۇمىستارىن جٷرگٸزٸپ جاتىر. بەلگٸلٸ بولعانداي ەڭ الدىمەن ٶرت ورمان قويماسىنىڭ اشىق اۋماعىندا باستالعان. شامامەن 20 مينۋتتان كەيٸن «قازاق حاندىعى» تاريحي فيلمٸ ٷشٸن جاسالعان «شايبان شاحتىڭ ٸشكٸ اۋلاسىنان» ٶرت شىققان. بۇل اعاش قۇرىلىم العاشقى وشاقتان 300 مەتر قاشىقتىقتا ورنالاسقان. وت شىققان قويمادا جانعىش ماتەريالداردىڭ بولماۋى مەن وعان ەلەكتر توعىنىڭ تارتىلماۋى ٶرتتٸڭ ٶزدٸگٸنەن شىعۋ فاكتٸسٸن جوققا شىعارادى», – دەپ جازىلعان كينوستۋدييانىڭ Instagram-داعى پاراقشاسىندا.
قازٸرگٸ ۋاقىتتا ٶرتتٸڭ الدىن الا شىعىنى 48 981 130 تەڭگەنٸ قۇرايدى. ەسەپتەۋلەر جالعاسۋدا.
ەسكە سالساق, 14 تامىزدا قازاقفيلم عيماراتى ٶرتكە وراندى. الماتى ەكٸمٸ «قازاقفيلمدە» ٶرتتٸڭ شىعۋ سەبەبٸن انىقتاۋدى تاپسىردى.
