Foto: Aleksandr Pavskii/Kazinform
Mádeniet jáne aqparat ministri Aida Balaeva «Qazaqfilm» kinostýdiiasyn damytý jospary jaiynda aityp berdi, dep habarlaidy Ult.kz Kazinform-ǵa silteme jasap.
— Prezident qol qoiǵan zańda «Qazaqfilm» endi kinoindýstriiany damytýǵa baǵyttalǵan qarajattyń 30%-yn tikelei qarjylandyrý túrinde alýǵa quqyly degen norma qarastyrylǵan. Bul stýdiia úshin qarjylai táýelsiz bolyp, óz kinojobalaryn josparlap, júzege asyrýyna úlken múmkindik beredi, — dedi Mádeniet ministri Úkimet úiinde ótken baspasóz máslihatynda.
Qazirgi ýaqytta «Qazaqfilmdi» otbasylyq demalys ortalyǵyna ainaldyrýǵa kómektesetin investor izdeý jumystary júrip jatyr.
— Sol jerde jeke kinoteatr, jabyq jazǵy kinoteatr salsaq, «Qazaqfilm» mýzeiin qursaq, arnaiy taqyryptyq dúkender men basqa da nysandardy ashsaq deimiz, — dedi A. Balaeva.
Sonymen birge, ministr «Qazaqfilmniń» jerleri satylmaitynyn nemese úshinshi tulǵalarǵa berilmeitinin atap ótti.
— «Qazaqfilmniń» jerleri tek osy uiymdy damytý úshin ǵana paidalanylatyn bolady, — dedi Aida Balaeva.
