«Qazaqfilm» Ekinshi dúniejúzilik soǵys týraly filmderdi kórsetilimge shyǵardy, dep habarlaidy "Ult aqparat".
Soǵystyń alǵashqy jyldary Reseidiń eýropalyq bóligindegi kásiporyndar Qazaqstanǵa kóshirildi. 1941 jyly «Mosfilm» men «Lenfilm» keńestik Almatyǵa qonys aýdardy. Olardy Almaty kinostýdiiasymen biriktirý nátijesinde Ortalyq Birikken Kinostýdiiasy (TsOKS) qurylyp, 1944 jylǵa deiin KSRO-nyń barlyq kórkem filmderiniń 80% túsirildi.
«Jeńistiń 75 jyldyǵy qarsańynda «Qazaqfilm» kinostýdiiasy óziniń youtube-arnasyna ár jyldary túsirilgen Uly Otan soǵysy týraly filmder toptamasyn ashyq kórsetilimge shyǵardy. Toptamanyń ishinde Májit Begalin, Abdolla Qarsaqbaev, Oraz Ábishev, Nurmuhan Jantórin jáne t.b klassikterdiń shedevrleri jinalǵan 20 film bar. Biz kórermenderdi Jeńis kúnin jaqyndatqan batyrlardyń erlikterin taǵy bir ret eske túsirýge shaqyramyz.» - deidi «Qazaqfilmniń» prezidenti Arman Ásenov.
Búginnen bastap Youtube-tegi «Qazaqfilmniń» resmi arnasynan tómendegi filmderdi kórýge bolady:
1. «Vo imia Rodiny» kórkem filmi (Ortalyq Birikken Kinostýdiiasy, rej: Dmitrii Vasilev, Vsevolod Pýdovkin, 1943 j.);
2. «Jdi menia» kórkem filmi (Ortalyq Birikken Kinostýdiiasy, rej: Aleksandr Stolper, Boris Ivanov, 1943 j.);
3. «Ana týraly ańyz» kórkem filmi (rej: Aleksandr Karpov, 1963 j.);
4. «El bayna kún týsa» kórkem filmi (rej: Májit Begalin, 1967 j.);
5. «Mánshúk» kórkem filmi (rej: Majit Begalin, 1969 j.);
6. «Orman balladasy» (rej: Nurmuhan Jantórin, Tsoi Gýk In, 1972 j.);
7. «Tel ósken ul» (rej: Shárip Beisembaev, 1977 j.);
8. «Soǵystyń sońǵy jyly edi» kórkem filmi (rej: Amangeldi Tájibaev, 1983 j.);
9. «Balalyqtyń kermek dámi» kórkem filmi (rej: Abdolla Qarsaqbaev, 1983 j.);
10. H/f «Áliia» kórkem filmi (rej: Bolot Shamshiev, 1985 j.);
11. H/f «Meniń ápkem Liýsia» kórkem filmi (rej: Ermek Shynarbaev, 1985 j.);
12. H/f «Panteranyń sekirisi» kórkem filmi (rej: Leila Aranysheva, 1986 j.);
13. H/f «Tuzdykól jaǵasyndaǵy úi» kórkem filmi (rej: Asanáli Áshimov, Igor Vovnianko, 2004 j.);
14. «Áliia» derekti filmi (rej: Iu.Piskýnov, 1970 j.);
15. «Talǵat Bigeldinov» derekti filmi (rej: Oraz Ábishev, 1979 j.);
16. «Jeńis soldaty» derekti filmi (rej: A.Álpiev, 1980 j.);
17. «Qazaqstan Uly Otan soǵysy jyldarynda» derekti filmi (rej: A.Nuǵymanov, 1985 j.);
18. «Asyǵa kútken Jeńis» derekti filmi (rej: A.Nuǵymanov, 1985 j.);
19. «Qazaqtyń Baýyrjany» derekti filmi (rej: Q.Omarov, 2010 j.);
20. «Batyr Bigeldinov» derekti filmi (rej: Almas Ábdikov, 2011 j.).
Toptama «Uly Jeńistiń 75 jyldyǵy» pleilistine resimdelgen.
Sonymen qatar Ortalyq memlekettik arhiv áskeri taqyrypqa túsirilgen úzdik derekti filmderdiń toptamasyn usyndy.
Bul filmderdi www.kfdz.kz/Film_Online saitynan kórýge bolady. Bul jerden «Momyshuly», «Tebe, front!», «Eń qymbat», «Áliia», «Mánshúk», «Jeńistiń juldyzdy sáti», QR Tuńǵysh Qorǵanys ministri Saǵadat Nurmaǵambetov týraly «Paryz, mártebe, erlik» filmderin tamashalai alasyzdar.
