Samat Ǵilymov "Qazaqavtojol" JShS bas direktory bolyp taǵaiyndaldy, - dep habarlaidy Tengrinews.kz tilshisi kompaniianyń baspasóz qyzmetine silteme jasap.
Buǵan deiin ol Indýstriia jáne infraqurylymdyq damý ministrligi Kólik komitetiniń tóraǵasy qyzmetinen bosatylǵan bolatyn.
Samat Ǵilymov 1964 jyly Atyraýda dúniege kelgen. Eńbek jolyn Atyraý qalasyndaǵy Qosshaǵyl sovhozynan bastaǵan. Ár jyldary Atyraý oblysynyń sovhozdarynda, sondai-aq, jeke kompaniialarda slesar, bas injener bolyp jumys istegen.
1998 jyldan 2002 jylǵa deiin Atyraý qalasynyń salyq (qarjy) politsiiasy organdarynda jumys istegen. 2002-2005 jyldary Aqtóbe oblysy ákiminiń orynbasary bolǵan. 2008 jyldan 2014 jylǵa deiin Kólik jáne kommýnikatsiia ministrliginde jumys istegen. 2014-2019 jyldary Atyraý oblysy boiynsha kóliktik baqylaý inspektsiiasynyń basshysy, Investitsiialar jáne damý ministrligi Kólik komiteti tóraǵasynyń orynbasary qyzmetin atqarǵan.
