Aqmola oblysynda «Qazaqaltyn» TKMK» AQ aýmaǵynan quramynda altyny bar material urlaǵan qylmysker ustaldy, dep habarlaidy Ult.kz tilshisi QazAqparat agenttigine silteme jasap.
Politseilerdiń málimeti boiynsha ótken jyldyń 5 qyrkúieginde túngi 03:00-der shamasynda 27 jastaǵy kúdikti óziniń eki syibailasymen birge «Qazaqaltyn» TKMK» AQ aýmaǵyna zańsyz kirip, big-beg qaptaryna salynǵan quramynda altyny bar materialdy «ÝAZ» kóligine tiep alyp ketken. Urlanǵan materialdy Aqsý kentindegi úilerdiń birinde saqtaǵan.
Politseiler kelesi kúni qylmystyń betin ashyp, jalpy salmaǵy 881 keli bolatyn urlanǵan materialdar salynǵan 21 qapty tapty. Alaida, sol kezde kúdiktilerdi birden qylmystyń izin sýytpai ustaýǵa múmkindik bolmady.
Atalǵan qylmysqa bailanysty QR QK 188 babynyń 4 bólimi (urlyq) boiynsha qylmystyq is qozǵalyp, kúdiktilerdi ustaý úshin keshendi sharalar júzege asyryldy. Nátijesinde aǵymdaǵy jyldyń 24 mamyrynda basty kúdikti Almaty qalasynda qolǵa tústi.
Jalpy, «Quqyqtyq tártip» jedel aldyn alý sharasy barysynda 19 qylmysker ustalyp, qarý ustaý jáne saqtaý boiynsha 18 oqiǵa anyqtaldy, sondai-aq, osyǵan deiin jasalǵan 150 qylmys áshkerlendi. Onyń 42-i ótken jyldary jasalǵan.
