Foto: Almaty.tv
Búgin Almatyda qazaq jurtshylyǵy klassik jazýshy, belgili dramatýrg, Qazaqstannyń Eńbek Eri, QR Memlekettik syilyǵynyń laýreaty Dýlat Isabekovty yqtyq saparǵa shyǵaryp saldy, dep habarlaidy Ult.kz Almaty.tv arnasyna silteme jasap.
Jazýshylar Odaǵy ǵimaratynda ótken jazýshymen qoshtasý rásimine jinalǵan jurttyń qarasy qalyń boldy. Qazaqstan Jazýshylar odaǵynyń tóraǵasy Mereke Qulkenov júrgizgen qaraly jiynda Memlekettik keńesshi Erlan Qarin Memleket basshysy Qasym-Jomart Toqaevtyń kóńil aitý hatyn oqyp berdi.
«Kórnekti jazýshy, dramatýrg, Qazaqstannyń Eńbek eri, Memlekettik syilyqtyń iegeri Dýlat Isabekuly Isabekovtiń dúnielen ótkine bailanysty aýyr qaiǵyǵa ortaqtasyp, kóńil aitamyn. Dýlat Isabekuly ulaǵatty ǵumyryn ult ádebietine arnaǵan, taǵylymdy týyndylarymen oqyrman sanasyna shamshyraq bola bilgen naǵyz degdar tulǵa edi. Halqymyzdyń rýhani álemin baiytýda, ulttyq prozamyzdyń kókjiegin keńeitýde aianbai ter tógip, ónegeli ómir súrdi. Qýatty qalamynan týǵan súbeli shyǵarmalary, dramalyq eńbekteri álem sahnalaryn baǵyndyryp, dúnie júzine kieli sóz ónerimizdi dáriptedi. Sońyna ádebi mol mura qaldyrǵan Dýlat Isabekulynyń jarqyn beinesi men ardaqty esimi halqymyzdyń júreginde máńgi saqtalady. Marqumnyń imany salamat, jany jánnatta bolsyn!» – delingen Prezidenttiń kóńil aitý hatynda.
Erlan Qarin Memleket basshysynyń Dýlat Isabekulyn erekshe qadirleitinin, onyń shyǵarmalarymen, ustanymdarymen jete tanys ekenin, ult rýhaniiatyna qosqan úlesi men qoǵamdyq damýdaǵy jasaǵan eńbegin baǵalaitynyn aita kele, Qasym-Jomart Toqaev 2022 jyly óz Jarlyǵymen Dýlat Isabekulyn Qazaqstannyń Eńbek eri ataǵymen marapattaǵanyna toqtaldy.
Memlekettik keńesshi sonymen qatar jazýshynyń dostaryna arnaiy kóńil aitatynyn, «bul býyn ózara ádemi ázil men hikaialarǵa toly adal dostyǵymen erekshelengenin» atap ótti.
Eske sala keteiik, Dýlat Isabekov 1942 jyly Ońtústik Qazaqstan oblysy, Arys aýdany, «Lenin joly» aýylynda týǵan. 1963 jyly ál-Farabi atyndaǵy Qazaq memlekettik ýniversitetin bitirgen.
Jazýshy ár jyldary Qazaq KSR Televiziia jáne radiohabar jónindegi memlekettik komitetinde aǵa redaktor (1967-1968), Qazaq Sovet entsiklopediiasy bas redaktsiiasynda aǵa ǵylymi redaktor (1968-1970), «Juldyz» jýrnalynda bólim meńgerýshisi (1971-1976), «Jalyn» baspasynda redaktsiia meńgerýshisi (1976-1980) bolǵan.
Qazaq KSR Mádeniet ministrligi repertýarlyq-redaktsiialyq kollegiianyń bas redaktory (1980-1988), Qazaq teledidarynyń bas redaktory (1988-1992), «Jazýshy» baspasynyń direktory (1992-1995), Qazaqstan Jazýshylar odaǵynyń hatshysy, QR Mádeniettaný ǵylymi zertteý institýtynyń direktory bolyp eńbek etken.
Jazýshynyń «Gaýhar tas», «Dermene», «Peri men Perishte», «Tirshilik», «Ókpek jolaýshy», «Biz soǵysty kórgen joqpyz», «Qarǵyn» (roman, 1980) t.b. kitaptary jaryq kórgen.
«Shoiynqulaq», «Aqyramashtan naýryzǵa deiin», «Eskertkish», «Sotsializm záýlimi», «Konfrontatsiia», «Talahan-186», «Bonaparttyń úilenýi», «Ai-Petri aqiqaty», «Kempirler», «Shaldar», «Tynyshtyq kúzetshisi» sekildi shyǵarmalary ár jyldary shyqqan.
Jekelegen povesteri men áńgimeleri nemis, cheh, vengr, bolgar, qytai, túrik, ózbek jáne aǵylshyn tilderine aýdarylyp, shet el oqyrmandaryna da keńinen tańyldy. Jazýshynyń shyǵarmalary boiynsha «Gaýhar tas» (1975), «Dermene» (1994), «Taýqymet» («Tirshilik» povesi boiynsha, 1998), «Lotoreia» («Erjetkenshe» povesi boiynsha, 2013), «Balýan Sholaq» («Jaýjúrek» pesasy boiynsha, 2019) atty kórkem filmder men «Ápke» atty pesasynyń negizinde teleserial túsirilgen.
Qazaq sahnasy tarihynda ózindik orny bar 26-ǵa jýyq pesanyń avtory. «Ápke», «Erteńdi kútý», «Muragerler», «Kishkentai aýyl», «Eski úidegi eki kezdesý», «Tor», «Aktrisa», «Aqqý-Jibek», «Ánshi qustar festivali», «Muńlyq- Zarlyq» atty pesalary respýblika sahnalarynan uzaq jyldar boiy túspei kele jatyr. Sankt-Peterbýrg, Omsk, London qalalary men Bolgariia, Tájikstan, Túrkiia, Ózbekstan, Bashqurtstan siiaqty alys-jaqyn memleketterdiń sahnalarynda jii qoiylyp júr. 2012 jyly jazýshynyń 70 jasqa tolǵan mereitoiyna orai ótken «Isabekov álemi» atty halyqaralyq teatr festivaline alty otandyq, alty shetel teatrlary qatysty.
