Elbasynyń bastamasymen latyn álipbiine kóshý memlekettik tildiń damýyna jasalǵan jańa betburys. Bul týraly QR Memlekettik hatshysy Qyrymbek Kósherbaev Almatyda ótken jiynda aitty, dep habarlaidy QazAqparat.
«Aldaǵy ýaqytta sarapshylardyń pikirinshe, halqymyzdyń sany 19 millionǵa al, memleket quraýshy ult – qazaqtardyń úlesi keminde 78 paiyzǵa jetedi dep kútilýde. Buiyrtsa, ainalasy otyz jyldyń ishinde qazaqtardyń el halqyndaǵy úles salmaǵy 1991 jylǵy 39 paiyzdan eki ese artqaly otyr. Endigi kezekte ultaralyq kelisimdi saqtai otyra til jáne basqa da ulttyq máselelerdi qoǵamda aiqynyraq aitýǵa negiz bar dep esepteimiz», - dedi Memhatshy.
Qyrymbek Kósherbaev «Teksizdik – tilsizdikten bastalady» degen sózdi tilge tiek etti.
«Bul baǵytta Elbasynyń bastamasymen latyn álipbiine kóshý – memlekettik tildiń damýyna jasalǵan jańa betburys. Jańa álipbi qoǵamnyń barlyq salasyna enýi kerek. Jańa álipbi qazaq tiliniń HHI ǵasyrdaǵy aqparattyq tehnologiialar tiline ainalýyna jol ashady. Iaǵni, qazaq tiliniń jańa dáýiri bastalady! Bul da ultymyzdyń jańa bolmysyn qalyptastyrýdaǵy negizgi faktorǵa ainalmaq», - dedi ol.
.jpeg)