«Úzdik qazaqtildi internet-sait syilyǵy» baiqaýynyń jeńimpazdary anyqtaldy, dep habarlaidy "Ult aqparat" Tuńǵysh Prezident qorynyń baspasóz qyzmetine silteme jasap.
Nur-Sultan qalasynda Qazaqstan Respýblikasy Tuńǵysh Prezidenti – Elbasy Qorynyń úzdik qazaqtildi internet-sait baiqaýynyń marapattaý rásimi ótti. Baiqaý uiymdastyrýshysy – Memlekettik tildi damytý qory.
Marapattaý rásimine Qazaqstan Respýblikasy Tuńǵysh Prezidenti – Elbasy Qory atqarýshy direktorynyń orynbasary Álkei Marǵulan, QR Parlament Senatynyń depýtaty Nurtóre Júsip, Memlekettik tildi damytý qorynyń direktory Azat Sháýeev, sonymen qatar qoǵam qairatkerleri men BAQ ókilderi qatysty.
Eń úzdik qazaqtildi internet sait baiqaýy 2016 jyldan bastap dástúrli túrde ótkizilip keledi. Biyl respýblikanyń ár aimaǵynan 30-ǵa jýyq úmitker úzdik sait ataǵy úshin baq synasty. Jeńimpazdar 9 nominatsiia boiynsha anyqtaldy.
Marapattaý rásiminiń ashylýynda Álkei Marǵulanuly:
«Osy baiqaýdy uiymdastyra otyryp, biz memlekettik tildiń damýyn, onyń ishinde internettegi damýyn qoldaimyz jáne qazaq tildi saittardyń qyzmetin yntalandyramyz. Baiqaýǵa degen qyzyǵýshylyq jyldan-jylǵa artyp kele jatqanyna qýanyshtymyn», - dep atap ótti.
«Ótkir til» atalymy boiynsha qalamger.kz saity jeńimpaz atandy.
«Rýhani azyq» atalymyndaǵy eń úzdik sait marapatyna madeniportal.kz saity ie boldy.
dasturkb.kz saity «Tereń izdenis» atalymy boiynsha úzdik dep tanyldy.
Arasha.kz saity «Shynaiy ómir» atalymynda úzdik dep baǵalandy.
«Sport tynysy» atalymy boiynsha eń úzdik sait - qsport.kz.
«Bilim bulaǵy» atalymy boiynsha júlde ozattar.kz saityna berildi.
«Jastar álemi» atalymy boiynsha balbal-kz saity jeńimpaz atandy.
«Balalarǵa bazarlyq» atalymyndaǵy eń úzdik balalarǵa arnalǵan sait marapaty imektep.kz portalyna berildi.
«Oiyn saýyq» atalymy boiynsha júlde kinostan.kz saityna berildi.
Baiqaý jeńimpazdary QR Tuńǵysh Prezidenti — Elbasy Qorynyń diplomymen, 385 myń teńge kólemindegi aqshalai syilyqpen marapattaldy.
Tuńǵysh Prezidenti Qory atqarýshy direktorynyń orynbasary Álkei Marǵulan elektrondy aqparattyq keńistiktegi memlekettik tildiń damýyna óz úlesterin qosyp, aýditoriiany qazaq tilinde aqparattandyratyn otandyq saittardyń rólin erekshe atap ótti.
Eske sala keteiik, buǵan deiin ótkizilgen úsh baiqaýdyń qorytyndysy boiynsha respýblikanyń 25 qazaqtildi saity jeńimpaz atanyp, aqshalai syilyqqa ie bolǵan.
