«ٷزدٸك قازاقتٸلدٸ ينتەرنەت-سايت سىيلىعى» بايقاۋىنىڭ جەڭٸمپازدارى انىقتالدى, دەپ حابارلايدى "ۇلت اقپارات" تۇڭعىش پرەزيدەنت قورىنىڭ باسپاسٶز قىزمەتٸنە سٸلتەمە جاساپ.
نۇر-سۇلتان قالاسىندا قازاقستان رەسپۋبليكاسى تۇڭعىش پرەزيدەنتٸ – ەلباسى قورىنىڭ ٷزدٸك قازاقتٸلدٸ ينتەرنەت-سايت بايقاۋىنىڭ ماراپاتتاۋ رەسٸمٸ ٶتتٸ. بايقاۋ ۇيىمداستىرۋشىسى – مەملەكەتتٸك تٸلدٸ دامىتۋ قورى.
ماراپاتتاۋ رەسٸمٸنە قازاقستان رەسپۋبليكاسى تۇڭعىش پرەزيدەنتٸ – ەلباسى قورى اتقارۋشى ديرەكتورىنىڭ ورىنباسارى ەلكەي مارعۇلان, قر پارلامەنت سەناتىنىڭ دەپۋتاتى نۇرتٶرە جٷسٸپ, مەملەكەتتٸك تٸلدٸ دامىتۋ قورىنىڭ ديرەكتورى ازات شەۋەەۆ, سونىمەن قاتار قوعام قايراتكەرلەرٸ مەن باق ٶكٸلدەرٸ قاتىستى.
ەڭ ٷزدٸك قازاقتٸلدٸ ينتەرنەت سايت بايقاۋى 2016 جىلدان باستاپ دەستٷرلٸ تٷردە ٶتكٸزٸلٸپ كەلەدٸ. بيىل رەسپۋبليكانىڭ ەر ايماعىنان 30-عا جۋىق ٷمٸتكەر ٷزدٸك سايت اتاعى ٷشٸن باق سىناستى. جەڭٸمپازدار 9 نوميناتسييا بويىنشا انىقتالدى.
ماراپاتتاۋ رەسٸمٸنٸڭ اشىلۋىندا ەلكەي مارعۇلانۇلى:
«وسى بايقاۋدى ۇيىمداستىرا وتىرىپ, بٸز مەملەكەتتٸك تٸلدٸڭ دامۋىن, ونىڭ ٸشٸندە ينتەرنەتتەگٸ دامۋىن قولدايمىز جەنە قازاق تٸلدٸ سايتتاردىڭ قىزمەتٸن ىنتالاندىرامىز. بايقاۋعا دەگەن قىزىعۋشىلىق جىلدان-جىلعا ارتىپ كەلە جاتقانىنا قۋانىشتىمىن», - دەپ اتاپ ٶتتٸ.
«ٶتكٸر تٸل» اتالىمى بويىنشا qalamger.kz سايتى جەڭٸمپاز اتاندى.
«رۋحاني ازىق» اتالىمىنداعى ەڭ ٷزدٸك سايت ماراپاتىنا madeniportal.kz سايتى يە بولدى.
dasturkb.kz سايتى «تەرەڭ ٸزدەنٸس» اتالىمى بويىنشا ٷزدٸك دەپ تانىلدى.
Arasha.kz سايتى «شىنايى ٶمٸر» اتالىمىندا ٷزدٸك دەپ باعالاندى.
«سپورت تىنىسى» اتالىمى بويىنشا ەڭ ٷزدٸك سايت - qsport.kz.
«بٸلٸم بۇلاعى» اتالىمى بويىنشا جٷلدە ozattar.kz سايتىنا بەرٸلدٸ.
«جاستار ەلەمٸ» اتالىمى بويىنشا balbal-kz سايتى جەڭٸمپاز اتاندى.
«بالالارعا بازارلىق» اتالىمىنداعى ەڭ ٷزدٸك بالالارعا ارنالعان سايت ماراپاتى imektep.kz پورتالىنا بەرٸلدٸ.
«ويىن ساۋىق» اتالىمى بويىنشا جٷلدە kinostan.kz سايتىنا بەرٸلدٸ.
بايقاۋ جەڭٸمپازدارى قر تۇڭعىش پرەزيدەنتٸ — ەلباسى قورىنىڭ ديپلومىمەن, 385 مىڭ تەڭگە كٶلەمٸندەگٸ اقشالاي سىيلىقپەن ماراپاتتالدى.
تۇڭعىش پرەزيدەنتٸ قورى اتقارۋشى ديرەكتورىنىڭ ورىنباسارى ەلكەي مارعۇلان ەلەكتروندى اقپاراتتىق كەڭٸستٸكتەگٸ مەملەكەتتٸك تٸلدٸڭ دامۋىنا ٶز ٷلەستەرٸن قوسىپ, اۋديتورييانى قازاق تٸلٸندە اقپاراتتاندىراتىن وتاندىق سايتتاردىڭ رٶلٸن ەرەكشە اتاپ ٶتتٸ.
ەسكە سالا كەتەيٸك, بۇعان دەيٸن ٶتكٸزٸلگەن ٷش بايقاۋدىڭ قورىتىندىسى بويىنشا رەسپۋبليكانىڭ 25 قازاقتٸلدٸ سايتى جەڭٸمپاز اتانىپ, اقشالاي سىيلىققا يە بولعان.
