Sýret: KazTAG
Parlament Senaty Mass-media týraly Májilis qabyldaǵan negizgi zańdy maquldady, dep habarlaidy "Ult aqparat" Senattyń baspasóz qyzmetine silteme jasap.
Palatanyń Áleýmettik-mádeni damý jáne ǵylym komitetiniń múshesi Aigúl Qapbarovanyń aitýynsha, «Mass-media týraly» zańǵa mynandai jańashyldyqtar engizý kózdelgen:
- Birinshi, memlekettik emes buqaralyq aqparat quraldaryna otandyq kontentti damytý, Qazaqstan Respýblikasynyń aqparattyq egemendigin nyǵaitý jáne qorǵaý úshin granttyq qarjylandyrý beriletin boldy;
- Ekinshi, buqaralyq aqparat quralynda jariialanǵan aqparattar boiynsha jeke nemese zańdy tulǵalardyń talap qoiý merzimi bir jyl bolyp belgilendi;
- Úshinshi, BAQ suraýlaryn qaraý merzimi 7 jumys kúnnen 5 jumys kúnine deiin qysqartyldy;
- Tórtinshi, BAQ qyzmetine ózin-ózi retteýge, media salany damytýǵa múmkindik berý maqsatynda erikti negizde qoǵamdyq-kásiptik keńes qurýǵa jáne jýrnalisterdiń ádep kodeksin ázirleýge múmkindik berildi;
- Besinshi, Memlekettik tildegi tele, radiobaǵdarlamalardyń apta saiynǵy kólemin 50% - dan 60% - ǵa deiin kezeń-kezeńimen ulǵaitý belgilendi (2025 jyldan bastap 55%, 2027 jyldan bastap 60%);
- Altynshy, otandyq tele, radio baǵdarlamalardyń jáne qazaqstandyq avtorlardyń/oryndaýshylardyń mýzykalyq shyǵarmalarynyń otandyq tele, radioarnalardaǵy kólemin 50% - dan 60% - ǵa deiin kezeń-kezeńimen ulǵaitý (2025 jyldan bastap 55%, 2027 jyldan bastap 60%) kózdeldi;
- Jetinshi, otandyq tele, radioarnalardaǵy sheteldik baǵdarlamalardyń retransliatsiiasyn 20% - dan 10% - ǵa deiin azaitý% belgilendi;
- Segizinshi, jýrnalistiń kásibi qyzmetiniń quqyqtyq kepildikterin qamtamasyz etý jóninde normalar engizildi.
Sondai-aq, ol qoldanystaǵy ulttyq zańnamada kezdesetin «buqaralyq aqparat quraldary» sózi «mass-media» sózimen aýystyrylatynyn atap ótti.
