Ulttyq aýdarma biýrosynyń atqarýshy direktory Raýan Kenjehanuly "Qazaq tilindegi 100 jańa oqýlyq" jobasyna jumsalǵan qarjynyń kólemin jariialady, dep habarlaidy Sputnik Qazaqstan.
"Árbir kitapqa, shamamen, 3 860 teńge jumsaldy. Sonyń ishinde avtorlyq quqyq, aýdarma, baspa men taratý shyǵyndary bar. Joba aiasynda 100 jańa oqýlyq shyǵaryldy. Árbireýiniń taralymy – 10 000 dana. Barlyq oqýlyqtyń jalpy taralymy 1 million dana. Muny 3 860 teńgege kóbeitsek, 3,8 milliard teńge shyǵady. Qarajat biýdjetten bólindi", - dedi Kenjehanuly ortalyq kommýnikatsiialar qyzmetinde ótken onlain brifingte.
Onyń aitýynsha, kitaptyń bári Qazaqstanda basyldy. Al sheteldik avtorlarǵa olardyń eńbegin aýdaryp basqany úshin aqy tólendi.
"Bul – intellektýaldyq menshik. Avtor aqy mólsherin ózi aitty. Árbir oqýlyq boiynsha bólek-bólek kelissóz júrgizildi", - dep atap kórsetti Kenjehanuly.
Aita keteri, "Jańa gýmanitarlyq bilim. Qazaq tilindegi 100 jańa oqýlyq" jobasy "Rýhani jańǵyrý" baǵdarlamasy negizgi baǵytynyń biri bolyp sanalady. Oǵan "Ulttyq aýdarma biýrosy" qoǵamdyq qory jaýapty. Álemge tanymal oqýlyqtardy aýdarý jumysyna 300-den asa maman tartyldy.
