Aqpan aiynan bastalǵan «Onlain qazaq tili» kýrsyna álemniń 23 elinen 800 adam tirkeldi, dep habarlaidy QazAqparat «Otandastar qoryna» silteme jasap.
Tirkelgenderdiń ishinde etnikalyq qazaqtardan bólek, tilimizge qyzyǵýshylyq tanytqan ózge ult ókilderi de bar.
Etnikalyq qazaqtar tarihi tilin umytpaý jáne Qazaqstanda bilim alyp, atamekende jumys isteý úshin qazaq tilin jetik meńgerip jatyr.
Al ózge ult ókilderiniń til úirenýdegi maqsaty eki baǵytqa negizdelgen. Alǵashqylary Qazaqstanda jumys isteýge kerek dese, ekinshileri - qazaq tiline qyzyǵýshylyq tanytatyn jáne tildik qurylysyn zertteitin - ǵalymdar.
Ózge ult ókilderiniń basym kópshiligi - Dimash Qudaibergenniń «Dears» jankúierleri.
Olardyń aitýynsha, ánshiniń ánderin, suhbattaryn ana tilinde erkin túsinip, sonymen qatar, qazaqtyń tarihymen, mádenietimen tereńirek tanysý úshin qazaq tili sabaqtaryna zor yqylaspen qatysady.
Sabaq orys, aǵylshyn, túrik, parsy tilderinde júrgizilip, tyńdaýshylarǵa yńǵaily ýaqytqa qoiylǵandyqtan qatysýshylar sany artyp keledi.
Sabaq qazaq tiliniń ámbebap oqýlyǵy jáne «Abai institute» platformasy negizinde júrgiziledi.
