Foto: Akorda.kz
Memleket basshysy Qasym-Jomart Toqaev Qazaqstan halqy Assambleiasynyń kezekti sessiiasynda qazaq tilin damytý máselesin kóterdi, - dep habarlaidy "Ult aqparat" Aqordanyń baspasóz qyzmetine silteme jasap.
"Barlyq azamattyń memlekettik tildi meńgerý máselesi saiasatymyzdyń strategiialyq baǵyty bolyp qala beredi. Qazaq tili – azamattyq integratsiianyń tiimdi quraly, mádeni-rýhani tutastyqtyń jarqyn kórinisi. Sondai-aq qazaq tili ǵylymi progress pen bilimniń ozyq jetistikterine jol ashatyn quralǵa ainalýy kerek", - dedi Toqaev.
Prezidenttiń aitýynsha, bul – tek salalyq ministrlikter ǵana emes, búkil qoǵam bolyp sheshetin tarihi mindet.
"Osy rette asyrasilteýshilik pen dańǵazalyqqa jol bermei, parasatty ári dáiekti túrde áreket etken jón. Memlekettik tildi oqymaǵan jáne tiisti deńgeide meńgermegen azamattar til bilmegeni úshin qysym kórmeýge tiis. Sonymen qatar bizdiń qoǵamda memlekettik tildi úirený, ony bilýge umtylý qalypty jaǵdaiǵa ainalýy qajet.
Qazaq tiline suranys artqanda ǵana ol kópshilik keń qoldanatyn til bolady. Túptep kelgende, birneshe til bilý – ár adamnyń mádeniettiliginiń belgisi. Al memlekettik tildi, ásirese ana tilin, iaǵni qazaq tilin bilý – qandai da bir azamattyń mádeni óresi, azamattyq jaýapkershiligi qanshalyqty biik ekenin bildiredi. Sondai-aq qanshalyqty patriot ekenin kórsetedi. Jalpy, memlekettik til tóńireginde oń kózqaras ustaný qajet. Til máselesine qatysty barlyq pikirtalas etnikalyq emes, azamattyq jáne saiasi sipatqa ie ekenin túsiný mańyzdy", - dedi Toqaev.
