Qazaq tili orfografiiasynyń ǵylymi negizdelgen nusqasy ázirlenedi, -dep habarlaidy "Ult Aqparat" Informbiýroǵa silteme jasap.
Ol úshin Qazaqstanda respýblikalyq orfografiia komissiiasy qurylmaq.
Qazaqstanda qazaq tili orfografiiasynyń ǵylymi negizdelgen nusqasyn ázirleý maqsatynda Respýblikalyq orfografiia komissiiasyn qurý josparlanyp otyr. Bul týraly qoǵamdyq talqyǵa usynylǵan Úkimet qaýlysynyń jobasynan belgili boldy.
Respýblikalyq orfografiia komissiiasyn qurýǵa Ǵylym jáne joǵary bilim ministrligi jaýapty bolady. Komissiia quramyna múddeli memlekettik organ ókilderi men ǵalymdar kiredi.
"Qazirgi kezeńde qazaq tiliniń orfografiiasyn júieleý asa mańyzdy másele. Qazaq tiliniń orfografiiasyn ǵylymi negizdelgen nusqada ázirleý jáne bekitý úshin arnaiy orfografiialyq komissiiany qurý qajet. Bul mindet Úkimettiń №914 qaýlysymen bekitilgen Qazaqstan Respýblikasynda til saiasatyn damytýdyń 2023–2029 jyldarǵa arnalǵan tujyrymdamasyn kózdelgen", – delingen qujat jobasynyń túsindirme jazbasynda.
