Elimizde 2014 jyldan beri etnomádeni birlestikter janynda memlekettik til men ár etnostyń óz ana tilin oqytý kýrstary uiymdastyrylyp keledi. Búgingi kúnge deiin osyndai oqytý kýrstarynan 81% etnos ókilderi oqýdan ótipti. Bul týraly «Uly dalanyń ultaralyq tili» respýblikalyq forýmynda QR Aqparat jáne qoǵamdyq damý vitse-ministri Marat Ázilhanov aitty, dep habarlaidy QazAqparat.
«Qazaqstan – túrli tarihi kezeńderde qanshama ult pen ulysqa qushaǵyn ashyp, baýyryna basqan el. Kópultty halqymyzdyń tatý birligi men yntymaǵynyń arqasynda búginde ultaralyq qatynastyń qazaqstandyq biregei úlgisi qalyptasty. Árine, ultaralyq tatýlyqtyń qazaqstandyq modeli týraly aitqanda memlekettigimizdiń negizin qalaǵan, Tuńǵysh Prezidentimiz, Elbasy Nursultan Nazarbaevtyń eren eńbegin erekshe atap ótýge tiispiz. Sondai-aq, Memleket basshysy Qasym-Jomart Toqaev halyqqa Joldaýynda «Qazaq tiliniń memlekettik til retindegi róli kúsheiip, ultaralyq qatynas tiline ainalatyn kezeńi keledi» degen bolatyn», - deidi QR Aqparat jáne qoǵamdyq damý vitse-ministri Marat Ázilhanov.
Onyń aitýynsha, Aqparat jáne qoǵamdyq damý ministrligi elimizdegi etnomádeni birlestiktermen qashanda tyǵyz qarym-qatynasta bailanys ornatýǵa múddeli.
«Bul maqsatta baǵytymyz – aiqyn, josparymyz – belgili. Atap aitqanda, elimizde 2014 jyldan beri etnomádeni birlestikter janynda memlekettik til men ár etnostyń óz ana tilin oqytý kýrstary uiymdastyrylyp keledi. Búgingi kúnge deiin osyndai oqytý kýrstarynan 81% etnos ókilderi oqýdan ótipti. Jalpy, 2011 jyldan bastap Memlekettik til oqytý ortalyqtarynda jarty millionnan astam el azamattary (513 624) qazaq tili kýrstaryn oqyp shyqqan. Memleket basshysynyń tapsyrmasy negizinde til saiasatyn iske asyrýdyń 2020-2025 jyldarǵa arnalǵan memlekettik baǵdarlamasy bekitildi. «Rýhani jańǵyrý» baǵdarlamasy aiasynda qazaq tilin latyn grafikasyna kezeń-kezeńimen kóshirý jumystary júieli júrgizilip keledi», - deidi ol.
Vitse-ministr qazaq tiliniń qoǵamdaǵy qoldanys aiasyn keńeitý baǵytyndaǵy jumystar osy baǵdarlamalar jáne basqa da jobalar sheńberinde óz jalǵasyn taba beretin aitty.
«Eń bastysy, memleket bul jobalardyń barlyǵynda da eń aldymen ózderińizdei talantty da belsendi azamattarǵa senim artady. Qazaq tilin ultaralyq qoldanys dárejesine jetkizý úshin memlekettik tildi jetik meńgergen sizderdiń kómekterińiz asa qajet. Qoǵam búgingi sizdermen maqtanady. Basqalar sizderge qarap oi qalyptastyrady, boi túzeidi», - deidi Marat Ázilhanov.
