Arheolog, tarih ǵylymdarynyń doktory, Qazaqstan Ulttyq ǵylym akademiiasynyń akademigi Baýyrjan Baitanaev Túrkistan qalasynyń úsh myń jyldyq tarihy bar ekenin aitty, dep habarlaidy Sputnik agenttigi.
Baitanaev túrkitildes memleketterdiń BAQ ókilderiniń qatysýymen ótken media forýmda sóz sóilep, biregei Túrkistan tarihy "ejelgi zamannan jáne kóptegen ǵasyr buryn bastalǵanyn" málimdedi. Ol 2000 jyly qazaqstandyqtar Túrkistannyń 1500 jyldyǵyn qalai toilaǵanyn eske túsirdi.
"Bul datany biz keńestik jáne keńes dáýirindegi derekter negizinde atap óttik. Ol kezde Qazaqstannyń táýelsizdik jyldarynda júrgizilgen irgeli zertteýler jariialanǵan joq edi. Ejelgi Túrkistannyń tarihy óte tereń bolyp shyqty", - dedi tarihshy.
Baitanaev jinalǵandarǵa qaladan tabylǵan qabirler men artefaktiler týraly aityp berdi.
"Qala aýmaǵynda zertteý júrgizip, barlyq jádigerdi birneshe ret tekserdik. Daýsyz artekfaktiler, qabir keshenderi negizinde osyndai tujyrymǵa keldik... Biz Túrkistan qalasyna úsh myń jyl bolǵan dep sanaimyz", - dedi Baitanaev.
Onyń aitýynsha, Túrkistan "túrki áleminiń ortalyǵy bolǵan jáne bolyp qala beredi".
Esterińizge sala keteiik, Túrkistan 2000 jyly 1500 jyldyǵyn atap ótti. Ótken jyldyń basynda jergilikti bilik Túrkistannyń tarihy 2800 jylǵa deiin barýy múmkin ekenin málimdedi.
Baitanaevtyń Túrkistan tarihy týraly sóilegen sózin myna jerden kórińiz (13-minýttan bastap).
