Qazaqstannyń Eńbek Eri, aqyn Oljas Súleimenovtiń aitýynsha, qazaq halqy sanynyń óspei qalǵanyna ekologiia da qatty áser etti, dep xabarlaidy "Ult aqparat".
"Máselen, 1926 jyly qazaqtyń sany 6 million 200 myń adam bolǵan. Sol kezdegi qujattarda qazaqtar túrki álemindegi sany eń kóp ári iri xalyq retinde kórsetilgen edi. Al ózbekterdiń sany 4 million boldy. Endi, qarańyz, araǵa 90 jyl salyp, qazaqtardyń sany 4 million adamǵa ósti. Qazir elimizde shamamen 10 milllion qazaq bar. Ózbek xalqy bolsa, 31 millionǵa ósken. Negizi, olar da ujymdastyrýdan ótti, repressiialarǵa ushyrady. Alaida, qazaq xalqy Semei poligony siiaqty úlken qasiretti bastan keshirdi. Oǵan kómir, munai jáne taǵy basqa tabiǵat bailyqtaryn jabaiylyq ádispen óndirýdi taǵy qosyńyz. Bunyń bári xalyqtyń densaýlyǵyna áser etpei qoimady. Qazirgi jastar arasynda bala taba almai júrgender barshylyq. Ol da - buǵan deiingi ekologiialyq qatelikterdiń kesiri", - dedi Oljas Omaruly búgin Astanadaǵy xalyqaralyq ekologiialyq kongreste.
Onyń aitýynsha, dál osy máseleni árbir ministr, árbir depýtat esten shyǵarmaýy qajet. "Qazaq xalqynyń ne sebepti jáne qandai jaǵdaiǵa tap bolǵanyn qaperden shyǵarmaityn adam ǵana elge adal qyzmet etip, óz úlesin qosa alady", - dep atap kórsetti qoǵam qairatkeri. Osy oraida jazýshy árbir qazaqstandyqty bir tal aǵash egýge úndedi. Elimizde 18 millionǵa jýyq aǵash otyrǵyzylsa, el ekologiiasy ájeptáýir jaqsaratyn edi.
