Foto: QR MAM
Rim qalasyndaǵy ataqty «Teatro Palladium» sahnasynda Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń Qazaq memlekettik simfoniialyq orkestriniń kameralyq quramy óner kórsetip, italiialyq kórermenge álemdik klassika baǵdarlamasyn usyndy.
Rim sahnasynda kesh baǵdarlamasyn Qazaqstannyń Halyq ártisi, kórnekti skripkashy Aiman Musahadajaeva, Qazaqstannyń eńbek sińirgen qairatkeri Asqar Dúisenbaev, bedeldi halyqaralyq baiqaýlardyń laýreattary Jibek Mýsýrgalieva, Rahil Musaqoja jáne Daler Dalishev usyndy. Is-shara barysynda álemdik mýzyka klassikteri E. Grig, A. Vivaldi, K. Sen-Sans, F. Kreisler, J. Massne, P. Sarasate, K. Djenkins, sondai-aq qazaqstandyq kompozitor A. Serkebaevtyń shyǵarmalary oryndaldy.
Foto: QR MAM
Kesh erekshe atmosferada ótti. Kórermender kontsertti jyly qabyldap, mýzykanttardyń sheberligi men klassikalyq mýzykanyń zamanaýi stilde oryndalýyna joǵary baǵa berdi. Rim qalasynda ótken bul kontsert Qazaqstan men Italiia arasyndaǵy mádeni almasýdyń mańyzdy úlgisine ainalyp, mundai is-sharalardyń halyqaralyq mádeni yntymaqtastyqty nyǵaitýǵa jáne qazaqstandyq ónerdi shetelde keńinen tanytýǵa eleýli úles qosatynyn aiqyndady.
Is-shara Qazaqstan Respýblikasynyń Italiiadaǵy Elshiliginiń tikelei atsalysýymen jáne QR Mádeniet jáne aqparat ministrliginiń qoldaýymen uiymdastyryldy.
