فوتو: قر مام
ريم قالاسىنداعى اتاقتى «Teatro Palladium» ساحناسىندا روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىنىڭ قازاق مەملەكەتتٸك سيمفونييالىق وركەسترٸنٸڭ كامەرالىق قۇرامى ٶنەر كٶرسەتٸپ, يتالييالىق كٶرەرمەنگە ەلەمدٸك كلاسسيكا باعدارلاماسىن ۇسىندى.
ريم ساحناسىندا كەش باعدارلاماسىن قازاقستاننىڭ حالىق ەرتٸسٸ, كٶرنەكتٸ سكريپكاشى ايمان مۇساحاداجاەۆا, قازاقستاننىڭ ەڭبەك سٸڭٸرگەن قايراتكەرٸ اسقار دٷيسەنباەۆ, بەدەلدٸ حالىقارالىق بايقاۋلاردىڭ لاۋرەاتتارى جٸبەك مۋسۋرگاليەۆا, راحيل مۇساقوجا جەنە دالەر داليشەۆ ۇسىندى. ٸس-شارا بارىسىندا ەلەمدٸك مۋزىكا كلاسسيكتەرٸ ە. گريگ, ا. ۆيۆالدي, ك. سەن-سانس, ف. كرەيسلەر, ج. ماسسنە, پ. ساراساتە, ك. دجەنكينس, سونداي-اق قازاقستاندىق كومپوزيتور ا. سەركەباەۆتىڭ شىعارمالارى ورىندالدى.
فوتو: قر مام
كەش ەرەكشە اتموسفەرادا ٶتتٸ. كٶرەرمەندەر كونتسەرتتٸ جىلى قابىلداپ, مۋزىكانتتاردىڭ شەبەرلٸگٸ مەن كلاسسيكالىق مۋزىكانىڭ زاماناۋي ستيلدە ورىندالۋىنا جوعارى باعا بەردٸ. ريم قالاسىندا ٶتكەن بۇل كونتسەرت قازاقستان مەن يتالييا اراسىنداعى مەدەني الماسۋدىڭ ماڭىزدى ٷلگٸسٸنە اينالىپ, مۇنداي ٸس-شارالاردىڭ حالىقارالىق مەدەني ىنتىماقتاستىقتى نىعايتۋعا جەنە قازاقستاندىق ٶنەردٸ شەتەلدە كەڭٸنەن تانىتۋعا ەلەۋلٸ ٷلەس قوساتىنىن ايقىندادى.
ٸس-شارا قازاقستان رەسپۋبليكاسىنىڭ يتاليياداعى ەلشٸلٸگٸنٸڭ تٸكەلەي اتسالىسۋىمەن جەنە قر مەدەنيەت جەنە اقپارات مينيسترلٸگٸنٸڭ قولداۋىمەن ۇيىمداستىرىلدى.
