Ásel Tólenova esimdi qazaq qyzy AQSh prezidenti protokoly bastyǵynyń orynbasary bolyp jumys isteidi. Diplomatiialyq ortada júrgen adamdar bul aqparatty rastady, dep habarlaidy Sputnik Qazaqstan tilshisi.
Áleýmettik jelilerde onyń eks-prezident Barak Obamamen jáne jańadan sailanǵan prezident Djo Baidenmen túsken fotosýretteri jariialandy.
"Aǵaiyndar" jinaǵyna Ásel Tólenovanyń ómirbaiany engizilgen. Oǵan sáikes, Ásel 1976 jyly Almatyda dúniege kelgen. 1993 jyly AQSh-tyń Djordjtaýn ýniversitetine oqýǵa túsip, halyqaralyq diplomatiia mamandyǵy boiynsha támamdaǵan.
1998 jyldan bastap AQSh memlekettik departamenti protokol basqarýshysynyń syrtqy qatynastar jónindegi orynbasary bolyp jumys istegen. Al 2014 jyly AQSh prezidenti protokoly basshysynyń orynbasary qyzmetine deiin kóterildi.
Qazirgi kezde Áseldiń tegi ózgergen. Soǵan qaraǵanda, AQSh-ta turmysqa shyqqan bolýy múmkin.
Osydan úsh jyl buryn Aq úidiń resmi saitynda Ásel týraly aqparat jariialandy. Onda 2017 jyly qazaq qyzy Memlekettik departamentte protokol qyzmetin basqarǵany aitylady. Ásel Roberts Aq úidegi taǵylymdamalar baǵdarlamasy aiasynda sóz sóilep, óziniń ómirlik tájiribesi týraly baiandaǵan. Amerikada jetistikke qalai jetkenin de aityp beripti.
"Ásel Roberts hanym prezidentterdiń brifingterin qalai uiymdastyrǵanyn eske aldy. Ol Amerikada óz armanyńa jetýge barlyq múmkindik jasalǵanyn erekshe atap ótti", - delingen saitta jariialanǵan habarlamada.
