ەسەل تٶلەنوۆا ەسٸمدٸ قازاق قىزى اقش پرەزيدەنتٸ پروتوكولى باستىعىنىڭ ورىنباسارى بولىپ جۇمىس ٸستەيدٸ. ديپلوماتييالىق ورتادا جٷرگەن ادامدار بۇل اقپاراتتى راستادى, دەپ حابارلايدى Sputnik قازاقستان تٸلشٸسٸ.
ەلەۋمەتتٸك جەلٸلەردە ونىڭ ەكس-پرەزيدەنت باراك وبامامەن جەنە جاڭادان سايلانعان پرەزيدەنت دجو بايدەنمەن تٷسكەن فوتوسۋرەتتەرٸ جارييالاندى.
"اعايىندار" جيناعىنا ەسەل تٶلەنوۆانىڭ ٶمٸربايانى ەنگٸزٸلگەن. وعان سەيكەس, ەسەل 1976 جىلى الماتىدا دٷنيەگە كەلگەن. 1993 جىلى اقش-تىڭ دجوردجتاۋن ۋنيۆەرسيتەتٸنە وقۋعا تٷسٸپ, حالىقارالىق ديپلوماتييا ماماندىعى بويىنشا تەمامداعان.
1998 جىلدان باستاپ اقش مەملەكەتتٸك دەپارتامەنتٸ پروتوكول باسقارۋشىسىنىڭ سىرتقى قاتىناستار جٶنٸندەگٸ ورىنباسارى بولىپ جۇمىس ٸستەگەن. ال 2014 جىلى اقش پرەزيدەنتٸ پروتوكولى باسشىسىنىڭ ورىنباسارى قىزمەتٸنە دەيٸن كٶتەرٸلدٸ.
قازٸرگٸ كەزدە ەسەلدٸڭ تەگٸ ٶزگەرگەن. سوعان قاراعاندا, اقش-تا تۇرمىسقا شىققان بولۋى مٷمكٸن.
وسىدان ٷش جىل بۇرىن اق ٷيدٸڭ رەسمي سايتىندا ەسەل تۋرالى اقپارات جارييالاندى. وندا 2017 جىلى قازاق قىزى مەملەكەتتٸك دەپارتامەنتتە پروتوكول قىزمەتٸن باسقارعانى ايتىلادى. ەسەل روبەرتس اق ٷيدەگٸ تاعىلىمدامالار باعدارلاماسى اياسىندا سٶز سٶيلەپ, ٶزٸنٸڭ ٶمٸرلٸك تەجٸريبەسٸ تۋرالى بايانداعان. امەريكادا جەتٸستٸككە قالاي جەتكەنٸن دە ايتىپ بەرٸپتٸ.
"ەسەل روبەرتس حانىم پرەزيدەنتتەردٸڭ بريفينگتەرٸن قالاي ۇيىمداستىرعانىن ەسكە الدى. ول امەريكادا ٶز ارمانىڭا جەتۋگە بارلىق مٷمكٸندٸك جاسالعانىن ەرەكشە اتاپ ٶتتٸ", - دەلٸنگەن سايتتا جارييالانعان حابارلامادا.
