Ishki ister ministri Erlan Turǵymbaev Senat depýtattaryna qazaqstandyqtardyń Qyrǵyzstan, qyrǵyzstandyqtardyń Qazaqstan aýmaǵynda júrip-turý tártibine engiziletin ózgerister týraly zań jobasyn tanystyrdy, - dep habarlaidy QazAqparat.
«Nazarlaryńyzǵa Qazaqstan men Qyrǵyz Respýblikalarynyń Úkimetteri arasyndaǵy QR azamattarynyń Qyrǵyz aýmaǵynda jáne Qyrǵyz azamattarynyń QR aýmaǵynda bolý tártibi kelisimine ózgerister engizý týraly hattamany ratifikatsiialaý jónindegi zań jobasy usynylady. Hattamaǵa óten jyly 12 shildede Bishkek qalasynda Qazaqstan men Qyrǵyz Respýblikalarynyń Úkimet basshylary qol qoidy. Hattamada memlekettik shekaradan ótý úshin qujattar tiziminen balalarǵa arnalǵan anyqtamany, týý týraly kýálikti alyp tastaýdy kózdeidi. Atalǵan norma tek Qyrǵyz Respýblikasymen jumys isteidi. Basqa memlekettermen bul norma kózdelmegen», - dedi Ishki ister ministri Parlament Senatynyń onlain rejiminde ótip jatqan otyrysynda.
Erlan Turǵymbaev sonymen qatar bul rette jeke basty identifikatsiialaý mehanizmi bolmaitynyn atap ótti.
«Týý týraly kýálik pen qosymsha bet shekaradan ótkende skanerden ótkizilmeidi. 2006 jyldan bastap búkil álemde halyqaralyq shekaradan ótý kezinde biometriialyq jol júrý qujatyn alyp júrý mindetti boldy. Al Qazaqstanǵa bul ereje 2009 jyldan bastap engizildi. Búgingi tańda Qazaqstan azamattarynyń qujattary halyqaralyq biometriialyq standartpen istelgen. Hattamany ratifikatsiialaý balalardyń elge kirip-shyǵýyn halyqaralyq standartqa sáikes jeke basty identifikatsiialaýǵa múmkindik beredi. Atalǵan zańdy qabyldaý – áleýmettik-ekonomikalyq jáne quqyqtyq teris saldarǵa ákep soqpaidy», - dedi ol.
