Astana qalasynda qazaq kúresinen eresekter men jastar, jasóspirimder arasynda ótken kezekti álemdik deńgeidegi doda aiaqtaldy.
Dúniejúziniń ár túkpirinen kelgen eń talantty balýandar baq synasqan beldesýde Qazaqstannyń mereiin ústem etken Túrkistan oblysynyń daryndy sańlaqtary top jardy. Boz kilemde barlyq kúsh-jigerin kórsetken jerlesterimiz Álem chempionatynyń jeńimpazy men júldegeri atanyp, týǵan elge júldemen oraldy.
Álem boiynsha eń tanymal sportshylar jinalǵan kúres dodasynda eresekter arasynda óner kórsetken 90 keli salmaqtaǵy túrkistandyq Aidarbek Toqtarbek qola júldeni ielendi. Qazaq halqymyzdyń tól óneri qazaq kúresimen jastaiynan kásibi turǵyda ainalysyp kele jatqan osy Álem chempionatynda barlyq qarsylastaryn tize búktirip altyn medaldi qanjyǵasyna bailaǵan +82 kelidegi Sardar Abdisamituly jeńimpaz atandy.
Al, talai kúres mamandarynyń nazaryn óz talantymen tań qaldyryp 72 kelide synǵa túsken jas balýan Baltabai Eralhan da qola júldege ie boldy. Sonymen qatar, jasóspirimder arasynda 60 kelide beldesken bolashaǵy jarqyn Rozman Týgýshov pen daryndylyǵynyń arqasynda mol tájiribe jinaýdy maqsat etken 82 kelidegi Temirhan Daýirseiithanǵa qola júlde buiyrdy.
Árbir sańlaqtyń jeńiske jetý jolynda eń aldymen bapkerlerdiń eren eńbegi orasan. Túrkistan oblysynda qazaq kúresiniń damýyna mol úles qosyp, talantty balýandardy tárbielep kele jatqan bilikti jattyqtyrýshylar qataryndaǵy – Qairat Pazylbek, Erlan Syzdyqov, Aidos Seraliev, Myrza Hidirovtar óńirimizdegi kúres maitalmandary.
