Nur-Sultan qalasynyń mamandandyrylǵan aýdanaralyq ákimshilik sot sheshimimen M.Tynyshbaev atyndaǵy Qazaq kólik jáne kommýnikatsiialar akademiiasyn bas litsenziiasynan aiyryldy. Bul týraly Bilim jáne ǵylym ministrliginiń telegram kanalynda habarlandy.
Sotta ákimshilik quqyq buzýshylyq týraly kodekstiń 464-baby 2-bóligine sáikes QR BǴM Bilim jáne ǵylym salasyndaǵy sapany qamtamasyz etý komitetiniń Qazaq kólik jáne kommýnikatsiialar akademiiasynyń bilim berý qyzmetin júrgizýge ruqsat beretin bas litsenziiasynan jáne onyń qosymshalarynan aiyrý týraly qaýlysyna qatysty akademiianyń shaǵymy boiynsha ákimshilik is qaraldy.
«Sot Bilim jáne ǵylym ministrliginiń Tynyshbaev atyndaǵy Qazaq kólik jáne kommýnikatsiialar akademiiasyn bas litsenziiasynan aiyrý týraly sheshimin óz kúshinde qaldyryp, qaýlyny ministrliktiń paidasyna qabyldady. Akademiianyń bilim berý qyzmetine qatysty komitet tarapynan júrgizilgen tekseris barysynda anyqtalǵan buzýshylyq faktilerin de sot rastady», – dedi QR BǴM Bilim jáne ǵylym salasyndaǵy sapany qamtamasyz etý komiteti.
