Totalitarlyq rejim óz ýaqytynda qazaq dalasyna birqatar etnos ókilderin kúshpen kóshirgenin, alaida jergilikti halyq – qazaqtyń tereń qurmeti men aq-adal peiiliniń arqasynda olardyń aman qalǵandyǵyn tarihtyń eski betterinen jaqsy bilemiz. Bútin ulttyń osyndai uly qurmeti men sheksiz peiiliniń belgisi bolǵan kezeń eshqashan umytylmaq emes. Osy oraida Aqmola oblysyndaǵy etnomádeni birlestikterdiń ókilderi óńir basshysy M.K. Myrzalinmen bolǵan kezdesýde "Qazaq halqyna alǵys aitý" eskertkishin ornatý máselesin kóterdi.
Qazaqstan halqy Aqmola assambleiasynyń etnostary jáne basqa da qurylymdarymen kezdesý erkin «suraq-jaýap» formatynda ótti. Eki saǵattan astam ýaqytqa jalǵasqan kezdesýde oblys ákimi jiynǵa qatysýshylardyń Qazaqstan halqy Aqmola assambleiasynyń hatshylyǵy jáne «Qoǵamdyq kelisim» KMM-si mekemeleriniń jumysyn jaqsartý, damytý jónindegi qoiǵan mańyzdy suraqtaryna jaýap berdi.
Qatysýshylar atalmysh dialog alańynyń memlekettik organdar jáne memlekettik emes uiymdardyń, etnomádeni birlestikterdiń ózara qarym-qatynasyn jetildirýdegi mańyzy joǵary ekendigin aitty. Búgingi kúni Qazaqstan halqy Aqmola assambleiasynyń aldynda óńirdegi birlik pen kelisimdi jetildirý baǵytyndaǵy maqsat-mindetterdi júzege asyrý boiynsha úlken jumystar kútip tur. Birlesken eńbektiń arqasynda barlyq kózdelgen bastamalardyń oryndalatyna senim de joq emes.
Aqmola oblysynyń ákimi Málik Myrzalin kezdesýdi asha otyryp, el Prezidenti Nursultan Nazarbaevtyń jariialaǵan Bes áleýmettik bastamasynyń oblys kóleminde oryndalý barysyna keńinen toqtaldy. Sózsiz, «Prezidenttiń bes áleýmettik bastamasy» atty halyqqa úndeýi áleýmettik jaýapty memleket qurý baǵytynyń sabaqtastyǵyn dáleldedi.
Kezdesý barysynda sóz sóilegen Qazaqstan halqy Aqmola assambleiasy Hatshylyǵynyń meńgerýshisi Rinat Galliamov, QHAA-nyń 2018 jylǵy jumysy týraly, mediatsiia institýtyn damytý, qairymdylyqty úilestirý, Qoǵamdyq kelisim keńesiniń jumysy, QHAA janyndaǵy Analar keńesi jáne ǵylymi-saraptamalyq toptyń qyzmetteri jóninde tolyq málimet berdi.
«Ázirbaijandar qaýymdastyǵy» RQB Aqmola oblystyq filialynyń jastar qanatynyń kóshbasshysy Islam Bairamov bolsa, osy jyldyń naýryz aiynda Astana qalasynda bastama alǵan Qazaqstan halqy Assambleiasynyń «Jańǵyrý joly» jastar qozǵalysynyń oblystyq shtabynyń tanystyrylymyn jasady. Qozǵalystyń missiiasy - dinine, tiline, ultyna, túr-túsine qaramastan, Qazaqstannyń jastar qaýymyn elimizdiń keshendi jańǵyrýyna atsalystyrý, úlesterin tigizý ekeni anyq.
Áńgime barysynda Aqmola oblysy poliaktar birlestiginiń koordinatory Sýhovetskaia Liýdmila qiyn-qystaý zamanda deportatsiiaǵa ushyrap, qazaq jerine kelgen halyqtardy óz baýyryna basqan Uly halyqtyń keńpeiildiliginiń nyshany retinde Dostyq úiiniń mańynda «Qazaq halqyna alǵys aitý» eskertkishin ornatý týraly usynysyn jetkizdi.
L. Sýhovetskaia: «Etnomádeni birlestikterdiń tóraǵalary, meniń áriptesterim «Qazaq halqyna alǵys aitý» eskertkishiniń jobasyn jasaýda maǵan ókilettik bergen bolatyn. Bizdiń oiymyzsha, atalmysh eskertkish qalanyń sánin kirgizip qana qoimai, kóptegen urpaqtar úshin dostyq pen beibitshiliktiń simvolyna ainalýy tiis», - degen oiyn aitty.
Oblys basshysy da bul usynysqa qoldaý bildirip, jaqyn arada atalmysh arhitektýralyq týyndyny ornatý múmkindigin qarastyrýǵa ýádesin berdi.
