توتاليتارلىق رەجيم ٶز ۋاقىتىندا قازاق دالاسىنا بٸرقاتار ەتنوس ٶكٸلدەرٸن كٷشپەن كٶشٸرگەنٸن, الايدا جەرگٸلٸكتٸ حالىق – قازاقتىڭ تەرەڭ قۇرمەتٸ مەن اق-ادال پەيٸلٸنٸڭ ارقاسىندا ولاردىڭ امان قالعاندىعىن تاريحتىڭ ەسكٸ بەتتەرٸنەن جاقسى بٸلەمٸز. بٷتٸن ۇلتتىڭ وسىنداي ۇلى قۇرمەتٸ مەن شەكسٸز پەيٸلٸنٸڭ بەلگٸسٸ بولعان كەزەڭ ەشقاشان ۇمىتىلماق ەمەس. وسى ورايدا اقمولا وبلىسىنداعى ەتنومەدەني بٸرلەستٸكتەردٸڭ ٶكٸلدەرٸ ٶڭٸر باسشىسى م.ك. مىرزالينمەن بولعان كەزدەسۋدە "قازاق حالقىنا العىس ايتۋ" ەسكەرتكٸشٸن ورناتۋ مەسەلەسٸن كٶتەردٸ.
قازاقستان حالقى اقمولا اسسامبلەياسىنىڭ ەتنوستارى جەنە باسقا دا قۇرىلىمدارىمەن كەزدەسۋ ەركٸن «سۇراق-جاۋاپ» فورماتىندا ٶتتٸ. ەكٸ ساعاتتان استام ۋاقىتقا جالعاسقان كەزدەسۋدە وبلىس ەكٸمٸ جيىنعا قاتىسۋشىلاردىڭ قازاقستان حالقى اقمولا اسسامبلەياسىنىڭ حاتشىلىعى جەنە «قوعامدىق كەلٸسٸم» كمم-سٸ مەكەمەلەرٸنٸڭ جۇمىسىن جاقسارتۋ, دامىتۋ جٶنٸندەگٸ قويعان ماڭىزدى سۇراقتارىنا جاۋاپ بەردٸ.
قاتىسۋشىلار اتالمىش ديالوگ الاڭىنىڭ مەملەكەتتٸك ورگاندار جەنە مەملەكەتتٸك ەمەس ۇيىمداردىڭ, ەتنومەدەني بٸرلەستٸكتەردٸڭ ٶزارا قارىم-قاتىناسىن جەتٸلدٸرۋدەگٸ ماڭىزى جوعارى ەكەندٸگٸن ايتتى. بٷگٸنگٸ كٷنٸ قازاقستان حالقى اقمولا اسسامبلەياسىنىڭ الدىندا ٶڭٸردەگٸ بٸرلٸك پەن كەلٸسٸمدٸ جەتٸلدٸرۋ باعىتىنداعى ماقسات-مٸندەتتەردٸ جٷزەگە اسىرۋ بويىنشا ٷلكەن جۇمىستار كٷتٸپ تۇر. بٸرلەسكەن ەڭبەكتٸڭ ارقاسىندا بارلىق كٶزدەلگەن باستامالاردىڭ ورىندالاتىنا سەنٸم دە جوق ەمەس.
اقمولا وبلىسىنىڭ ەكٸمٸ مەلٸك مىرزالين كەزدەسۋدٸ اشا وتىرىپ, ەل پرەزيدەنتٸ نۇرسۇلتان نازارباەۆتىڭ جارييالاعان بەس ەلەۋمەتتٸك باستاماسىنىڭ وبلىس كٶلەمٸندە ورىندالۋ بارىسىنا كەڭٸنەن توقتالدى. سٶزسٸز, «پرەزيدەنتتٸڭ بەس ەلەۋمەتتٸك باستاماسى» اتتى حالىققا ٷندەۋٸ ەلەۋمەتتٸك جاۋاپتى مەملەكەت قۇرۋ باعىتىنىڭ ساباقتاستىعىن دەلەلدەدٸ.
كەزدەسۋ بارىسىندا سٶز سٶيلەگەن قازاقستان حالقى اقمولا اسسامبلەياسى حاتشىلىعىنىڭ مەڭگەرۋشٸسٸ رينات گاللياموۆ, قحاا-نىڭ 2018 جىلعى جۇمىسى تۋرالى, مەدياتسييا ينستيتۋتىن دامىتۋ, قايرىمدىلىقتى ٷيلەستٸرۋ, قوعامدىق كەلٸسٸم كەڭەسٸنٸڭ جۇمىسى, قحاا جانىنداعى انالار كەڭەسٸ جەنە عىلىمي-ساراپتامالىق توپتىڭ قىزمەتتەرٸ جٶنٸندە تولىق مەلٸمەت بەردٸ.
«ەزٸربايجاندار قاۋىمداستىعى» رقب اقمولا وبلىستىق فيليالىنىڭ جاستار قاناتىنىڭ كٶشباسشىسى يسلام بايراموۆ بولسا, وسى جىلدىڭ ناۋرىز ايىندا استانا قالاسىندا باستاما العان قازاقستان حالقى اسسامبلەياسىنىڭ «جاڭعىرۋ جولى» جاستار قوزعالىسىنىڭ وبلىستىق شتابىنىڭ تانىستىرىلىمىن جاسادى. قوزعالىستىڭ ميسسيياسى - دٸنٸنە, تٸلٸنە, ۇلتىنا, تٷر-تٷسٸنە قاراماستان, قازاقستاننىڭ جاستار قاۋىمىن ەلٸمٸزدٸڭ كەشەندٸ جاڭعىرۋىنا اتسالىستىرۋ, ٷلەستەرٸن تيگٸزۋ ەكەنٸ انىق.
ەڭگٸمە بارىسىندا اقمولا وبلىسى پولياكتار بٸرلەستٸگٸنٸڭ كوورديناتورى سۋحوۆەتسكايا ليۋدميلا قيىن-قىستاۋ زاماندا دەپورتاتسيياعا ۇشىراپ, قازاق جەرٸنە كەلگەن حالىقتاردى ٶز باۋىرىنا باسقان ۇلى حالىقتىڭ كەڭپەيٸلدٸلٸگٸنٸڭ نىشانى رەتٸندە دوستىق ٷيٸنٸڭ ماڭىندا «قازاق حالقىنا العىس ايتۋ» ەسكەرتكٸشٸن ورناتۋ تۋرالى ۇسىنىسىن جەتكٸزدٸ.
ل. سۋحوۆەتسكايا: «ەتنومەدەني بٸرلەستٸكتەردٸڭ تٶراعالارى, مەنٸڭ ەرٸپتەستەرٸم «قازاق حالقىنا العىس ايتۋ» ەسكەرتكٸشٸنٸڭ جوباسىن جاساۋدا ماعان ٶكٸلەتتٸك بەرگەن بولاتىن. بٸزدٸڭ ويىمىزشا, اتالمىش ەسكەرتكٸش قالانىڭ سەنٸن كٸرگٸزٸپ قانا قويماي, كٶپتەگەن ۇرپاقتار ٷشٸن دوستىق پەن بەيبٸتشٸلٸكتٸڭ سيمۆولىنا اينالۋى تيٸس», - دەگەن ويىن ايتتى.
وبلىس باسشىسى دا بۇل ۇسىنىسقا قولداۋ بٸلدٸرٸپ, جاقىن ارادا اتالمىش ارحيتەكتۋرالىق تۋىندىنى ورناتۋ مٷمكٸندٸگٸن قاراستىرۋعا ۋەدەسٸن بەردٸ.
