Otandyq ǵalymdar Vatikan kitaphanasyndaǵy túrki áleminiń tarihyna qatysty qoljazbalardy zertteýge múmkindik almaq, dep habarlaidy QazAqparat.
Ǵylym jáne joǵary bilim ministri Saiasat Nurbek Vatikannyń Qazaqstandaǵy Elshisi Frensis Assizi Chýllikatpen kezdesýinde oǵan osyndai ótinishin aitty.
Kezdesý barysynda Ministr Qazaqstannyń joǵary bilim berý júiesinde bolyp jatqan reformalar týraly aitty.
Óz kezeginde Chýllikatt myrza Vatikan men Qazaqstan arasyndaǵy ózara yntymaqtastyq týraly sóz qozǵady.
- Joǵary bilim berý júiesi qoǵamnyń progressivti damýyna negizgi áser etedi, - dep atap ótti Frensis Assizi Chýllikat.
Ǵylym jáne joǵary bilim ministri Saiasat Nurbek Vatikan elshisin qazaqstandyq ǵalymdardyń sheteldik joǵary oqý oryndarynyń ǵylymi zertteýlerine qatysýyna yntalandyrýǵa baǵyttalǵan «500 taǵylymdama» baǵdarlamasy týraly habardar etti jáne Qazaqstandyq ǵalymdardyń Vatikan kitaphanasynyń ejelgi qoljazbalaryna qol jetkizýine járdem kórsetýdi surady.
- Qazaqstandyq ǵalymdardyń Vatikan kitaphanasyna qoljetimdiligi túrki áleminiń tarihyn tereńirek zertteýge múmkindik beredi, - dep atap ótti Saiasat Nurbek.
Osy jyldyń maýsym aiynda Nur-Sultanda ótken Halyqaralyq Túrki akademiiasynyń ǵylymi keńesiniń V otyrysynda túrki áleminiń jalpy oqý quraldary, sonyń ishinde «Ortaq túrki tarihy» oqýlyǵy boiynsha qorytyndy sheshim qabyldanǵan edi.
