OQO óńirlik sotynda Elbasynyń «Bolashaqqa baǵdar: rýhani jańǵyrý» maqalasy aiasynda «Qazaq biler soty jáne Alashorda intelligentsiiasy» atty «dóńgelek ústel» májilisi ótti. Sharaǵa sýdialar men aýdandyq sottardyń tóraǵalary, OQMPI-diń stýdentteri qatysty, dep habarlaidy "Ult aqparat" "Ońtústik Qazaqstan" basylymyna silteme jasap.
Búgingi tańda elimizdiń jahandyq básekege qabilettilikke qol jetkizý baǵytynda úshinshi jańǵyrýdy júzege asyrýǵa kiriskenin bilemiz. Onyń basty qaǵidasynyń biri – álemdegi damyǵan otyz eldiń qataryna qosylý. Osyǵan deiin de elimiz táýelsizdikke qol jetkizý arqyly alǵashqy jańǵyrýdan ótken bolatyn.
«Qazaqstan – 2050» strategiiasy kezinde elimiz ekinshi jańǵyrýdyń nátijesinde álemdegi aldyńǵy qatarly 50 eldiń qataryna endi. Elbasynyń «Bolashaqqa baǵdar: rýhani jańǵyrý» maqalasy ulttyq sanany aiqyndaityn elimizdiń úshinshi jańǵyrý úderisin usynyp otyr. Sondyqtan búginde rýhani jańǵyrý eń ózekti másele bolyp tur», – dedi oblystyq sottyń azamattyq ister jónindegi sot alqasynyń tóraǵasy Túgel Bekimbetov.
Sondai-aq, oblystyq mamandandyrylǵan aýdanaralyq ekonomika sotynyń sýdiasy Mahabbat Muzdybaeva ta atalmysh maqalanyń negizine toqtalsa, Shardara aýdandyq sotynyń sýdiasy Saparhan Omarov qazaqtyń biler soty – rýhani jańǵyrýǵa tiis ulttyq qundylyqtar ekenin tilge tiek etti. Al, tarih ǵylymdarynyń kandidaty, dotsent Qairat Anarbaev «Qazaq dalasyndaǵy dástúrli bilik júieleri jáne onyń Alash baǵdarlamasyndaǵy keibir kórinisteri» taqyrybynda, Ońtústik Qazaqstan Memlekettik pedagogika institýtynyń 2-kýrs stýdenti Gúljanar Maqsut «Alash arystarynyń táýelsizdik týraly ideialarynyń tarihi mańyzy» taqyrybynda baiandama jasady. Stýdentter mamandardan osy boiynsha saýaldaryna jaýap alyp, óz pikirlerin ortaǵa saldy.
