QR Aqparat jəne kommýnikatsiialar ministri Dəýren Abaevqa jəne QR Májilis pen Senat depýtattarynyń nazaryna!
Qurmetti hám quzyretti El aǵalary! Sizderdiń el úshin jasap jatqan qyzmetterińizdi baǵalai otyryp, əri isterińizge sáttilik tilei otyryp nazarlaryńyzǵa kópti tolǵandyryp júrgen bir máseleni usynbaqpyn!
Əńgime jarnama jaily. Jaýyr bolǵan taqyryp. Əitse de, taǵy bir aitýǵa týra kelip tur.
Keiingi ýaqytta qazaq tildi basylymdar jabylyp nemese saitqa ainalǵan jaǵdai kóp. Mysalǵa, Respýblikalyq "Nur Astana", "Halyq sózi", "Alash ainasy" gazetteri. Osyndai úlken basylymdar jabylyp jatqanda oblystardaǵy táýelsiz basylymdardyń hal-jaiy aitpasa da belgili.
Qazaq basylymdary kúireýik kúi keship jatsa orystildi basylymdar kerisinshe kóbeiip, órkendep keledi. Biz bul tusta Úkimet pen onyń saiasatyn kinalaýdan aýlaqpyz. Naryqtyq qoǵam bolǵan soń ər basylym óz kúnin ózi kórý kerek ekenin de bilemiz. Biraq, orystildi gazetter ómir súrýge beiimdi, qazaqtildi gazet əljýaz degenge taǵy kelispeimiz. Kelispeýge sebep bar. Aitatyn ýəj mynaý:
Biz qazaqstandyq kásipkerler men bankterdiń qaltasynan orystildi basylymdardy (ərtúrli saiasi baǵyttaǵy) asyrap otyrmyz. Jarnama berýshiniń bəri orystildi gazetke júgiredi. Al qazaq gazetinde "eske alý" men "quttyqtaý", "nekrolog". Əlbette, jarnama izdep qazaq jýrnalisteri de jan salyp kórgen. Biraq, "joq" degen jaýap aldan shyǵa beredi. Memlekettik tilde jarnama berýge qulyqsyz. Iaǵni, kásipkerge Memlekettiń qoldaýy kerek te, memlekettik til kerek joq degen sóz. Sonda, bulardiki Memlekettiń saiasatyn qoldamaǵany bolyp shyqpai ma? Al eger osylai jalǵasa beretin bolsa táýelsiz qazaq basylymdary jappai jabylyp, Memlekettiń biýdjetin emgen biren-saran qazaq tildi gazetter ǵana qalatyny anyq. Bul - tragediia!
Saldary:
1) Qazaq tilin qorlaǵan mazaq jarnama. (Eger jarnama berýshi tarap qazaq gazetimen istes bolsa saýatsyz jarnamany tamyrymen joiýǵa bolar edi.)
2) Bunyń saldary Qazaqstannyń ishki saiasatyna da keri əserin tigizbek. Óitkeni jarnamany azyq etken orystildi basylym sańyraýqulaqtai kóbeigen ústine kóbeiip, qazaqtildi gazet kemigen ústine kemi beredi. Tepe-teńdik saqtalmasa ne bolatynyn Sizder jaqsy bilesizder.
3) Buǵan Til məselesin qosyńyz.
4) Təýelsiz qazaq basylymdary bolmasa, Ulttyq ideologiia qalai qalyptaspaq?
Osynyń barlyǵy bir ǵana kúrmeýmen bailanǵan. Sizderden suraitynymyz, jarnama týraly zańdy qaita qaraý. Jəne Memlekettiń ishki saiasatyna sai jarnamanyń memlekettik tilde jariialanýyna mindetteý.
Gazetterdi naryqqa beiimdeimiz dep júrip naryqtyń betin gazetke burýdy umytqan siiaqtymyz.
Bizdiń orystildi basylymdarǵa esh qarsylyǵymyz joq. Biraq, qazaqtildi gazetterdiń shańyraǵy shaiqalyp tur. Eger biz aitqan jarnama məselesi sheshiler bolsa memleketten gazetterge bólinetin qarjy shyǵynyn da azaitýǵa múmkindik týar edi - aý.
Bul bir jaǵy bazyna, bir jaǵy usynys dep qabyldaǵaisyzdar!
Janat JAŃQAShULY
"Arqa aqshamy" gazetiniń bas redaktory
Ult portaly
