Qazaq álipbiin latynǵa kóshirýde naýqanshyldyqqa jol bermeý kerek. Bul týraly búgin Aqordada QR Prezidenti Ákimshiliginiń basshysy Ádilbek Jaqsybekov aitty, dep habarlaidy QazAqparat.
«Qazirgi kezde «Rýhani jańǵyrý» baǵdarlamasy boiynsha kóp jumystar atqaryldy. Qajetti uiymdastyrý suraqtary tolyǵymen sheshildi. Baǵdarlamanyń barlyq baǵyttary boiynsha naqty nátijeler bar. Eń bastysy, olar halyqtyń zor qoldaýyna ie bolyp otyr. Búgingi otyrysta osy jasalǵan jumystardyń qorytyndysyn shyǵaryp, aldaǵy josparymyzdy qaraimyz», - dedi QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń kezekti otyrysyn ashqan Ádilbek Jaqsybekov.
Sonymen qatar ol komissiia jumysynyń jańa kezeńi bastalǵanyn jáne munan ary da osyǵan deiingi qarqyndy saqtap, keleshekte atqarylatyn jumystarǵa qatysty naqty kórinistiń bolýy tiistigin bas aitty.
«Birinshi baǵyt, qazaq álipbiin latynǵa kóshirý boiynsha mindetter qazirgi ýaqytta anyqtaldy. Memleket basshysy álipbi jobasyn bekitip, Úkimet janyndaǵy ulttyq komissiia quryldy. Jańa álipbige kóshý jumystary Úkimet bekitken jospar aiasynda jalǵasatyn bolady. Degenmen, josparlanǵan sharalardyń logikasyn qatań saqtaý qajettigine nazar aýdarǵym keledi. Naýqanshyldyqqa jol bermeý jáne popýlistik aktsiialarǵa áýestenbeý mańyzdy. Úkimetke bul máseleni airyqsha baqylaýǵa alýdy ótinemin. Is júzinde ol bar da. Premer-Ministrdiń ózi komissiiaǵa basshylyq jasaidy»,- dep atap ótti Prezident Ákimshiliginiń basshysy.
