10 aqpan 2017 jyly saǵat 19.00-da Ispaniianyń Madrid qalasynda ádebiet tarihynda tuńǵysh ret qazaq aqyndarynyń ispan tilinde shyqqan poeziia antologiiasynyń tusaýkeser rásimi ótedi.
Bul mádeni shara QR men Ispaniia arasynda diplomatiialyq qarym-qatynastar ornaǵanyna 25-jyl tolýyna orai uiymdastyryldy.
Tusaýkeser rásimine Ispan Pen klýbynyń bas hatshysy, Neopolitan jáne Mallarme Parij akademiiasynyń korrespondent-múshesi, Eýropa aqyndary festivaliniń negizgi quryltaishysy, atalmysh antologiianyń ádebi aýdarmasyn jasaǵan Hýsto Horke Padronnyń ózi qatysady. Hýsto Horke Padron Ispan tili Korol akademiiasynyń «Fastenrat» syilyǵyn Federiko Garsia Lorkadan keiin alǵan tarihtaǵy ekinshi aqyn.
Sonymen qatar, keshke Qazaqstannyń Ispaniiadaǵy elshisi Baqyt Dúisenbaev, Ispaniiadaǵy laýazymdy qonaqtar jáne osy antologiiany qurastyrǵan aqyn, aýdarmashy Dáýren Berikqajyuly men «Qazaqstan» Ulttyq telearnasynyń prodiýseri Tanakóz Tolqynqyzy da qatysady.
Qazaq aqyndarynyń ispan tilinde shyǵatyn antologiiasyna Abai Qunanbaev, Mirjaqyp Dýlatov, Maǵjan Jumabaev, Muqaǵali Maqataev, Jumeken Nájimedenov, Qadyr Myrzaliev, Tumanbai Moldaǵaliev, Fariza Ońǵarsynova, Muhtar Shahanov, Kúlásh Ahmetova, Aqqushtap Baqtygereva, Janat Áskerbekpen qatar Aqberen Elgezek, Erlan Júnis, Ánýar Bimaǵambet siiaqty jas aqyndar da engen.
Ispaniianyń Madrid qalasynda Kasa de Lektor jazýshylar saraiynda ótetin tusaýkeser rásiminde antologiiaǵa engen Ońaigúl Turjanova, Almas Ahmetbekuly, Dáýletkerei Kápuly, Tanakóz Tolqynqyzy, Dáýren Berikqajyuly, Saǵynysh Namazshameva, Janar Ábsadyq, Anar Shamshadinova, Baqytgúl Babash, Janar Ailasheva óleńderin qazaq jáne ispan tilderinde oqityn bolady.
Ult portaly
