10 اقپان 2017 جىلى ساعات 19.00-دا يسپانييانىڭ مادريد قالاسىندا ەدەبيەت تاريحىندا تۇڭعىش رەت قازاق اقىندارىنىڭ يسپان تٸلٸندە شىققان پوەزييا انتولوگيياسىنىڭ تۇساۋكەسەر رەسٸمٸ ٶتەدٸ.
بۇل مەدەني شارا قر مەن يسپانييا اراسىندا ديپلوماتييالىق قارىم-قاتىناستار ورناعانىنا 25-جىل تولۋىنا وراي ۇيىمداستىرىلدى.
تۇساۋكەسەر رەسٸمٸنە يسپان پەن كلۋبىنىڭ باس حاتشىسى, نەوپوليتان جەنە ماللارمە پاريج اكادەميياسىنىڭ كوررەسپوندەنت-مٷشەسٸ, ەۋروپا اقىندارى فەستيۆالٸنٸڭ نەگٸزگٸ قۇرىلتايشىسى, اتالمىش انتولوگييانىڭ ەدەبي اۋدارماسىن جاساعان حۋستو حوركە پادروننىڭ ٶزٸ قاتىسادى. حۋستو حوركە پادرون يسپان تٸلٸ كورول اكادەميياسىنىڭ «فاستەنرات» سىيلىعىن فەدەريكو گارسيا لوركادان كەيٸن العان تاريحتاعى ەكٸنشٸ اقىن.
سونىمەن قاتار, كەشكە قازاقستاننىڭ يسپانيياداعى ەلشٸسٸ باقىت دٷيسەنباەۆ, يسپانيياداعى لاۋازىمدى قوناقتار جەنە وسى انتولوگييانى قۇراستىرعان اقىن, اۋدارماشى دەۋرەن بەرٸكقاجىۇلى مەن «قازاقستان» ۇلتتىق تەلەارناسىنىڭ پروديۋسەرٸ تاناكٶز تولقىنقىزى دا قاتىسادى.
قازاق اقىندارىنىڭ يسپان تٸلٸندە شىعاتىن انتولوگيياسىنا اباي قۇنانباەۆ, مٸرجاقىپ دۋلاتوۆ, ماعجان جۇماباەۆ, مۇقاعالي ماقاتاەۆ, جۇمەكەن نەجٸمەدەنوۆ, قادىر مىرزاليەۆ, تۇمانباي مولداعاليەۆ, فاريزا وڭعارسىنوۆا, مۇحتار شاحانوۆ, كٷلەش احمەتوۆا, اققۇشتاپ باقتىگەرەۆا, جانات ەسكەربەكپەن قاتار اقبەرەن ەلگەزەك, ەرلان جٷنٸس, ەنۋار بيماعامبەت سيياقتى جاس اقىندار دا ەنگەن.
يسپانييانىڭ مادريد قالاسىندا كاسا دە لەكتور جازۋشىلار سارايىندا ٶتەتٸن تۇساۋكەسەر رەسٸمٸندە انتولوگيياعا ەنگەن وڭايگٷل تۇرجانوۆا, الماس احمەتبەكۇلى, دەۋلەتكەرەي كەپۇلى, تاناكٶز تولقىنقىزى, دەۋرەن بەرٸكقاجىۇلى, ساعىنىش نامازشامەۆا, جانار ەبسادىق, انار شامشادينوۆا, باقىتگٷل باباش, جانار ايلاشەۆا ٶلەڭدەرٸن قازاق جەنە يسپان تٸلدەرٸندە وقيتىن بولادى.
ۇلت پورتالى
