Antologiia eki jinaqtan turady. Bireýinde proza bolsa, ekinshisine poeziia shyǵarmalary toptastyrylady, dep xabarlaidy QazAqparat.
Ulttyq aýdarma biýrosynyń atqarýshy direktory Raýan Kenjexanulynyń aitýynsha, álemniń alty tiline aýdarylatyn árbir jinaqtyń taralymy 10 myń danadan bolady. Antologiialar aldymen irgeli ýniversitetterdiń kitapxanalaryna tegin taratylady.
"Búginde Birikken Ulttar Uiymynyń alty tili - aǵylshyn, qytai, orys, frantsýz, ispan jáne arab tilderinde 70-ten astam el sóileidi. Barlyǵynda 2,5 milliard xalyq turady. Qazaq ádebietiniń antologiiasy eki jinaqtan turady. Árbireýine 30 avtordyń shyǵarmasy endi. Demek, proza men poeziia boiynsha 60 avtor bar. Árbir avtorǵa bir baspa tabaq berilip otyr. Sonda árbir jinaq 400-500 bettiń kóleminde bolady. Bul - óte úlken ári aýqymdy jinaqtar. Avtorlardy Jazýshylar odaǵy iriktep bergen bolatyn", - dedi R. Kenjexanuly búgin Astanada ótken jiynda.
Búgingi sharada shyǵarma avtorlary aýdarmashylarmen kezdesip, aýdarmany barynsha jetik tilmen jetkizý jaiyn talqyǵa saldy.
"Sheteldik mamandar aýdarmaǵa qatysty máselelerdi keńinen talqylap qana qoimai, Qazaqstannyń mádenieti, tarixy men qazirgi tynys-tirshiligimen jaqyna tanysa alady. Sol áriptesterimen alǵashqy mátinderin daiyndap, avtorlardyń aldynan ótip otyr. Aýdarmashylar árbir avtorlarmen jeke-jeke kezdesip, eki kún boiy óz jumystaryn talqylaidy. Negizgi maqsat - aýdarmany meilinshe jetik, meiilinshe sapaly etip daiyndaý. Óitkeni buǵan deiin bizdiń tarixymyzda qazaq ádebietin bundai kólemde, bundai deńgeide aýdarý men taratý tájiribesi bolǵan emes", - dep atap kórsetti R.Kenjexanuly.
Aita keteiik, "Jahandaǵy zamanaýi qazaqstandyq mádeniet" jobasy aiasynda qazirgi qazaq ádebietiniń antologiialaryn BUU-nyń 6 tiline aýdarý jumysy qolǵa alynǵan bolatyn. Búginde aǵylshyn, frantsýz, orys jáne ispan tilderindegi jolma-jol aýdarma jumysy aiaqtalyp, qytai jáne arab tilderine aýdarý sharalary júrip jatyr.
