«QazAgro» holdingi basqarma tóraǵasy Erbol Qarashókeev kompaniiany transformatsiialaý jospary týraly aityp berdi, dep habarlaidy QazAqparat.
«Prezidenttiń tapsyrmasy boiynsha biz transformatsiia baǵdarlamasyn qabyldadyq. «QazAgro» yqshamdalyp, jumysyn jalǵastyrady, iaǵni shyǵyndardy qysqartamyz. Aldaǵy jyldyń birinshi toqsanyna deiin jeti enshilis kompaniianyń úsheýin ǵana qaldyramyz. Jalpy, bir myńǵa jýyq adam qysqartylady, bul rette ákimshilik shyǵyndar ońtailandyrylady. «QazAgronyń» basqarý organdaryn tolyqtai ózgertemiz», - dedi Erbol Qarashókeev Májilistiń jalpy otyrysynda.
Onyń sózine qaraǵanda, «QazAgro» direktorlar keńesine joǵary bilikti sheteldik sarapshylar tartylmaq.
«2020 jyldyń qorytyndysy boiynsha holdingti shyǵynsyz deńgeige shyǵarýdy josparlap otyrmyz», - dedi E. Qarashókeev.
Aita keteiik, «QazAgro» qyzmetine aýqymdy reformalar júrgiziledi.
«QazAgro» holdingi óz qyzmetin reformalaý nátijesinde 2020 jyldyń qorytyndysy boiynsha taza paidaǵa shyǵýdy josparlap otyr.
