«قازاگرو» حولدينگٸ باسقارما تٶراعاسى ەربول قاراشٶكەەۆ كومپانييانى ترانسفورماتسييالاۋ جوسپارى تۋرالى ايتىپ بەردٸ, دەپ حابارلايدى قازاقپارات.
«پرەزيدەنتتٸڭ تاپسىرماسى بويىنشا بٸز ترانسفورماتسييا باعدارلاماسىن قابىلدادىق. «قازاگرو» ىقشامدالىپ, جۇمىسىن جالعاستىرادى, ياعني شىعىنداردى قىسقارتامىز. الداعى جىلدىڭ بٸرٸنشٸ توقسانىنا دەيٸن جەتٸ ەنشٸلٸس كومپانييانىڭ ٷشەۋٸن عانا قالدىرامىز. جالپى, بٸر مىڭعا جۋىق ادام قىسقارتىلادى, بۇل رەتتە ەكٸمشٸلٸك شىعىندار وڭتايلاندىرىلادى. «قازاگرونىڭ» باسقارۋ ورگاندارىن تولىقتاي ٶزگەرتەمٸز», - دەدٸ ەربول قاراشٶكەەۆ مەجٸلٸستٸڭ جالپى وتىرىسىندا.
ونىڭ سٶزٸنە قاراعاندا, «قازاگرو» ديرەكتورلار كەڭەسٸنە جوعارى بٸلٸكتٸ شەتەلدٸك ساراپشىلار تارتىلماق.
«2020 جىلدىڭ قورىتىندىسى بويىنشا حولدينگتٸ شىعىنسىز دەڭگەيگە شىعارۋدى جوسپارلاپ وتىرمىز», - دەدٸ ە. قاراشٶكەەۆ.
ايتا كەتەيٸك, «قازاگرو» قىزمەتٸنە اۋقىمدى رەفورمالار جٷرگٸزٸلەدٸ.
«قازاگرو» حولدينگٸ ٶز قىزمەتٸن رەفورمالاۋ نەتيجەسٸندە 2020 جىلدىڭ قورىتىندىسى بويىنشا تازا پايداعا شىعۋدى جوسپارلاپ وتىر.
