«QazAgro» ulttyq basqarýshy holdingi direktorlar keńesi quramyndaǵy ózgerister týraly habarlady, dep habarlaidy "Ult aqparat".
«Ózgeristerge sáikes, Qýandyq Bishimbaevtyń direktorlar keńesiniń múshesi retindegi ókilettigi merziminen buryn toqtatyldy. Onyń ornyna Timýr Súleimenov sailandy (QR Ulttyq ekonomika ministri)», - dep atap ótilgen KASE saitynda jariialanǵan habarlamada.
Budan buryn habarlanǵandai, «Báiterek UBH» AQ basqarmasynyń burynǵy tóraǵasy Qýandyq Bishimbaevqa qatysty qylmysty tergeý amaldary júrip jatyr. Sybailas jemqorlyqqa qarsy kúres ulttyq biýrosy habarlaǵandai, ol bir top adammen aldyn ala kelisip, birneshe ret iri kólemde para aldy dep aiyptalýda.
