QR Qorǵanys ministriniń orynbasary Sultan Qamaletdinov Jambyl oblysynda áskeri qyzmetke shaqyrylǵan sarbazdyń qaitys bolýyna qatysty pikir bildirdi, dep habarlaidy QazAqparat.
«Kúdikti de jaqynda ǵana áskeri boryshyn óteýge kelgen jigit. Men qazir olardyń qandai qarym-qatynasta bolǵanyna jaýap bere almaimyn. Onyń ústine ekeýi de batys óńirinen, bireýi - Atyraý oblysynan, ekinshisi - Mańǵystaý oblysynan», - dep jaýap berdi ministrlik ókili Májilis otyrysynan keiin tilshilerge bergen suhbatynda.
Spiker atalǵan oqiǵa boiynsha shara qabyldanyp jatqanyn aitty.
«Qarýly Kúshterde uiymdastyrýshylyq jáne tehnikalyq jaǵynan kóptegen túrli sharalar ótkiziledi. Turaqty baqylaý jasalady. Bizde ár bólimde, bólimshede psihologiialyq baqylaý júrgizetin psihologtar engizilgen. Áskeri bólimshelerde túrli dárejedegi komandirler turaqty túrde baqylaý júrgizedi. «Jaýynger dos» siiaqty bir joldas ekinshisi úshin jaýap beretin tájiribe engizildi. Tehnikalyq turǵydan biz qazir kazarmalarda, jeke quram ornalasqan jerlerde beinebaqylaý júrgizip jatyrmyz. Sonymen qatar jeke qurammen tárbie jumysy da júrgiziledi. Biraq jas jigit 18 jyl boiy óz otbasynda tárbielense, onda keshirińiz, biz ony bir jylda tárbielemeimiz. Bizdiń basty mindetimiz – oǵan Otanyn qorǵaýdy úirený úshin áskeri mamandyqtyń negizderin úiretý. Ol balabaqshada, mektepte jáne eń bastysy otbasynda tárbielendi», - dedi Qamaletdinov.
