Tártipsizdik kezinde qaitys bolǵan ishki ister organdary qyzmetkerleriniń otbasylaryna jan-jaqty qoldaý kórsetilýde. Bul týraly Úkimet otyrysynda Ishki ister ministri Erlan Turǵymbaev málim etti, dep habarlaidy QazAqparat.
Ministr tártipsizdik kezinde qaitys bolǵan áskeri qyzmetkerlerdiń jáne ishki ister organdary qyzmetkerleriniń otbasylaryna birjolǵy ótemaqy tóleý máselesine toqtaldy.
«Jaqynda qańtarda terrorister qolynan politsiia men Ulttyq ulannyń 8 qyzmetkeri qaitys boldy, 2911-i jaraqat aldy. Erlikpen qaza bolǵandar 2-shi jáne 3-shi dárejeli «Aibyn» ordenimen marapattaldy. Olardyń otbasyna jan-jaqty qoldaý kórsetilýde. Odan bólek, zań boiynsha qyzmet mindetin atqarý barysynda qaitys bolǵan qyzmetkerdiń otbasyna 5 jyldyq qyzmettik qarjysy jáne jerleý úshin 3 ailyq ótemaqy tólenedi», - dedi Erlan Turǵymbaev.
