Sýret: zarulim.com.ua
Qarjy ministrliginiń Memlekettik kirister komiteti qaitys bolǵan adamnyń atynda bolǵan kóliktiń salyǵyn tóleý tártibin túsindirdi, dep habarlaidy "Ult aqparat" vedomstvonyń resmi saityna jasap.
"Memlekettik kirister komitetiniń bailanys ortalyǵyna azamattardan kún saiyn júzdegen qońyraý túsedi. Salyq tóleýshilerdiń atalǵan saýaldaryna egjei-tegjeili jaýaptar beriledi" - delingen habarlamada.
Osy joly "Apta saýaly" aidaryndaǵy eń jii qoiylǵan suraqqa jaýap jariialanǵan.
Suraq: "Men avtokólikti óz atyma aýdaraiyn degenmin, burynǵy iesi qaitys bolǵan. Biraq kólik salyǵy boiynsha bereshekteri bar bolyp shyqty. Kólik salyǵy boiynsha qaryzy men ósimpuldy kim jáne qalai tóleýi kerek?"
Vedomsto málimetinshe, zańǵa sáikes, salyq bereshegin murager muragerlik múliktiń quny sheginde jáne ony alǵan kúngi muradaǵy úleske sáikes tóleidi.
"Jeke tulǵa qaitys bolǵan kúni nemese ony sottyń sheshimi negizinde qaitys boldy dep jariialanǵan kúni paida bolǵan salyq bereshegi tólenedi. Bul jaǵdaida ósimpuldy esepteý jeke tulǵanyń qaitys bolǵan kúnine deiin júrgiziledi", - delingen jaýapta.
