Foto: Úkimet
Úkimet Jambyl oblysynyń Qordai jáne Talas aýdandarynda eki dárigerlik ambýlatoriianyń qurylys jumystaryn aiaqtaýǵa Arnaýly memlekettik qordan 319,5 mln teńge bólý týraly sheshim qabyldady. Onda táýligine 45 kelýshige qyzmet kórsetiledi, dep habarlaidy Ult.kz.
Nysandar «Aýylda densaýlyq saqtaýdy jańǵyrtý» baǵdarlamasy aiasynda salynýda. Baǵdarlama boiynsha óńirde 30 nysan qurylysy josparlanǵan, onyń 28-i paidalanýǵa berildi. Qalǵan ekeýi biyl tapsyrylady.
Ulttyq joba sheńberinde Qazaqstanda 655 jańa mekeme – meditsinalyq jáne feldsherlik-akýsherlik pýnktter, dárigerlik ambýlatoriialar qurylysy josparlanýda. Qazirgi ýaqytta 468 nysanda jumys aiaqtaldy. Alǵashqy meditsinalyq-sanitariialyq kómek kórsetý mekemelerin salýǵa jáne aýrýhanalardy rekonstrýktsiialaýǵa qarajat respýblikalyq biýdjetten bólinedi. Sonymen qatar qarjylandyrý Arnaýly memlekettik qor esebinen júzege asyrylady.
