Astana áýejaiyndamyn. Namaz oqýǵa arnalǵan bólmeni jaýyp tastaǵaly namazdy ýaqytynda oqý ýaiym boldy. Ary-beri qarap yńǵaily oryn tappaǵan soń buryshtaǵy baspaldaqtyń shatyrǵa shyǵatyn tusyna baryp, jainamazdy jaiyp, sonda oqydym. Dárethanada bir sheteldik aiaǵyn jýyp jatyr. Ondaǵy jurt onyń bul áreketin túsine almai, jaqtyrmaǵan keiip tanytýda. Namazyn ái shaiǵa qaramai bos orynǵa baryp oqi saldy. Keshe Hanshatyr saýda úiindegi namazhananyń esiginde qara qulyp turǵanyn kórgenimin. Bul ne sonda? Táýelsizdigimizdiń 25 jyldyǵyna arnalǵan tartýy ma? Joq, keńes kezeńine keri keldik pe? Joq álde ekstrimizmmen kúrestiń túri me?
Álemniń kez-kelgen áýejaiynda (Amerika, Evropany da qosyńyz) namaz oqýǵa arnaiy oryn bólingen. Ishinde dáret alýǵa barsha jaǵdai jasalǵan. Jaraidy namaz oqityn el azamattarymyzdy eskermei, quqyqtaryn taptai bersin! Biraq biz órkenietti elmiz. Áne-mine 30 eldiń qataryna qosylamyz dep urandatyp jatyrmyz. Álemniń barlyq elderimen tyǵyz qarym qatynastamyz. Islam ynymaqtastyq uiymyna tóraǵalyq ettik. Elbasy umrasy men qajylyǵyn ótep qaity. Jurt bizdi musylman eli dep biledi. 2017 jyly elimizde EXPO kórmesi ótedi. Sóite tura kelgen sheteldikterdiń aiaqtaryn qoǵamdyq dárethanada jýdyryp, namazdaryn aiaq asty bolatyn jerde oqytyp qoiǵanymyz qalai?
Namaz oqityn adam áiteýri bir jolyn taýyp, Alla mindettegen paryzyn oqidy. Biraq qai jerde? Beibereketsizdikke óz qolymyzben itermelemei, óz elimizdiń qadirin túsirmei namazhana ashýǵa ne kedergi?! Ashýǵa emes, bar namazhanany jabýǵa ne sebep? Ekstremizmnen saqtaný ma? Namazhananyń buryshyna "bul jerde ýaǵyz aitýǵa bolmaidy" desek, jetkilikti emes pe?
Kimmen sóilessem, barlyǵy biliktiń bul sheshimine narazy. Musylmandardy bilikke narazy kóńilge itermeleitin mundai isterge kim jaýapty? Joq álde "Kápir bilik" deitin takfirilerge óz qolymyzben dálel daiyndap berip jatyrmyz ba? Olai bolsa, tákfirilermen kúresip, bosqa shabylyp qaitemiz?! Ótkende ministr Nurlan Ermekbaev myrzamen kezdeskenimde, osy jaǵdaidy jetkizgenmin. Feisbýkta jeke akkaýntyn ashyp, qoǵamnyń pikirin tyńdaimyn degen soń, taǵy da jamaǵattyń únin jetkizip otyrmyn.
Qairat Joldybaiulynyń feisbýktegi jazbasynan
