استانا ەۋەجايىندامىن. ناماز وقۋعا ارنالعان بٶلمەنٸ جاۋىپ تاستاعالى نامازدى ۋاقىتىندا وقۋ ۋايىم بولدى. ارى-بەرٸ قاراپ ىڭعايلى ورىن تاپپاعان سوڭ بۇرىشتاعى باسپالداقتىڭ شاتىرعا شىعاتىن تۇسىنا بارىپ, جاينامازدى جايىپ, سوندا وقىدىم. دەرەتحانادا بٸر شەتەلدٸك اياعىن جۋىپ جاتىر. ونداعى جۇرت ونىڭ بۇل ەرەكەتٸن تٷسٸنە الماي, جاقتىرماعان كەيٸپ تانىتۋدا. نامازىن ەي شايعا قاراماي بوس ورىنعا بارىپ وقي سالدى. كەشە حانشاتىر ساۋدا ٷيٸندەگٸ نامازحانانىڭ ەسٸگٸندە قارا قۇلىپ تۇرعانىن كٶرگەنٸمٸن. بۇل نە سوندا? تەۋەلسٸزدٸگٸمٸزدٸڭ 25 جىلدىعىنا ارنالعان تارتۋى ما? جوق, كەڭەس كەزەڭٸنە كەرٸ كەلدٸك پە? جوق ەلدە ەكستريميزممەن كٷرەستٸڭ تٷرٸ مە?
ەلەمنٸڭ كەز-كەلگەن ەۋەجايىندا (امەريكا, ەۆروپانى دا قوسىڭىز) ناماز وقۋعا ارنايى ورىن بٶلٸنگەن. ٸشٸندە دەرەت الۋعا بارشا جاعداي جاسالعان. جارايدى ناماز وقيتىن ەل ازاماتتارىمىزدى ەسكەرمەي, قۇقىقتارىن تاپتاي بەرسٸن! بٸراق بٸز ٶركەنيەتتٸ ەلمٸز. ەنە-مٸنە 30 ەلدٸڭ قاتارىنا قوسىلامىز دەپ ۇرانداتىپ جاتىرمىز. ەلەمنٸڭ بارلىق ەلدەرٸمەن تىعىز قارىم قاتىناستامىز. يسلام ىنىماقتاستىق ۇيىمىنا تٶراعالىق ەتتٸك. ەلباسى ۇمراسى مەن قاجىلىعىن ٶتەپ قايتى. جۇرت بٸزدٸ مۇسىلمان ەلٸ دەپ بٸلەدٸ. 2017 جىلى ەلٸمٸزدە EXPO كٶرمەسٸ ٶتەدٸ. سٶيتە تۇرا كەلگەن شەتەلدٸكتەردٸڭ اياقتارىن قوعامدىق دەرەتحانادا جۋدىرىپ, نامازدارىن اياق استى بولاتىن جەردە وقىتىپ قويعانىمىز قالاي?
ناماز وقيتىن ادام ەيتەۋرٸ بٸر جولىن تاۋىپ, اللا مٸندەتتەگەن پارىزىن وقيدى. بٸراق قاي جەردە? بەيبەرەكەتسٸزدٸككە ٶز قولىمىزبەن يتەرمەلەمەي, ٶز ەلٸمٸزدٸڭ قادٸرٸن تٷسٸرمەي نامازحانا اشۋعا نە كەدەرگٸ?! اشۋعا ەمەس, بار نامازحانانى جابۋعا نە سەبەپ? ەكسترەميزمنەن ساقتانۋ ما? نامازحانانىڭ بۇرىشىنا "بۇل جەردە ۋاعىز ايتۋعا بولمايدى" دەسەك, جەتكٸلٸكتٸ ەمەس پە?
كٸممەن سٶيلەسسەم, بارلىعى بيلٸكتٸڭ بۇل شەشٸمٸنە نارازى. مۇسىلمانداردى بيلٸككە نارازى كٶڭٸلگە يتەرمەلەيتٸن مۇنداي ٸستەرگە كٸم جاۋاپتى? جوق ەلدە "كەپٸر بيلٸك" دەيتٸن تاكفيريلەرگە ٶز قولىمىزبەن دەلەل دايىنداپ بەرٸپ جاتىرمىز با? ولاي بولسا, تەكفيريلەرمەن كٷرەسٸپ, بوسقا شابىلىپ قايتەمٸز?! ٶتكەندە مينيستر نۇرلان ەرمەكباەۆ مىرزامەن كەزدەسكەنٸمدە, وسى جاعدايدى جەتكٸزگەنمٸن. فەيسبۋكتا جەكە اككاۋنتىن اشىپ, قوعامنىڭ پٸكٸرٸن تىڭدايمىن دەگەن سوڭ, تاعى دا جاماعاتتىڭ ٷنٸن جەتكٸزٸپ وتىرمىن.
قايرات جولدىبايۇلىنىڭ فەيسبۋكتەگٸ جازباسىنان
