Qairat Jamaliev túrmede VIP kamerada otyrǵan joq, «barak» úlgisindegi otriadta jazasyn óteýde. Bul jaiynda QR Ishki ister ministrligi Memlekettik til jáne aqparat departamentiniń direktory Almas Sadýbaev málim etti, dep jazady Ult.kz tilshisi QazAqparat agenttigine silteme jasap.
«Almaty oblysynyń prokýratýrasy «Vremia» gazetinde kórsetilgen derekterdi tekserý maqsatynda osy jyldyń 31 tamyzy kúni túngi saǵat 00-25-te mekeme aýmaǵynda artyqshylyq jaǵdai jasalǵan kameralardyń bar-joǵyn anyqtaý úshin videotaspaǵa túsire otyryp, tosynnan tekserý júrgizdi. Tekserý nátijesinde gazet maqalasynda kórsetilgen VIP-kameralar týraly málimet rastalmady. Munan ary sottalǵan Q.Jamalievtiń otriad jataqhanasynda turatyndyǵy tekserildi. Sottalýshy jazasyn «barak» úlgisindegi otriadta óteýde, onda sottalýshylar ortaq jatyn sektsiiada ustalady», - dedi ol.
Onyń aitýynsha, Ishki ister ministrliginiń Ózindik qaýipsizdik departamenti N.Altynhanovtyń Almaty oblystyq qylmystyq atqarý júiesi departamenti bastyǵynyń orynbasary B.Júnisov pen LA-155/14 mekemesiniń bastyǵy B.Sháripbekovke qatysty shaǵymyna bailanysty tekserý júrgizýde. Ol aiaqtalýǵa jaqyn.
«Munan bólek, laýazymdy tulǵalar tarapynan jibergen zańbuzýshylyqtar tártiptik komissiiada qaralady. Kinálilerge tártiptik jazanyń eń qatań sharalary qabyldanatyn bolady. Tipti, olar qyzmetten de bosatylýy múmkin», - dedi Almas Sadýbaev.
