Qairat Satybaldyulyna qatysty istiń tergelýi týraly aqparat jariialandy, - dep habarlaidy "Ult aqparat" Sybailas jemqorlyqqa qarsy is-qimyl agentigine silteme jasap.
"Sybailas jemqorlyqqa qarsy qyzmet Qairat Satybaldyuly, Gúlmira Satybaldy jáne basqa da tulǵalarǵa qatysty tergeýdi jalǵastyryp jatyr.
Tergeý barysynda Satybaldyulynyń baqylaýyndaǵy kásiporyndardyń - kirme temirjol jelileri (sońǵy shaqyrym) ieleri urlyǵynyń qosymsha faktileri anyqtaldy.
Olar Memlekettik organdardyń laýazymdy tulǵalary kómegimen eldiń qala quraýshy kásiporyndaryna kirme joldardyń qyzmetterine tarifti negizsiz kóterý arqyly kóp milliardtyq paida tapqan", - delingen habarlamada.
Vedomstvo málimetinshe, Satybaldyulynyń baqylaýyndaǵy eki kompaniia basshylary ustalyp, sot sanktsiiasymen qamaýǵa alynǵan. Kinálilik týraly qorytyndy sheshimdi sot anyqtaidy, delingen vedomstvo habarlamasynda.
Ózge aqparat tergeý múddesine sáikes jariia etýge jatpaidy.
Eske salaiyq, 13 naýryzda sybailas jemqorlyqqa qarsy qyzmet "Qazaqtelekom" AQ-nyń laýazymdyq ókilettikterin asyra paidalaný jáne qarajatyn asa iri mólsherde urlaý deregi boiynsha qylmystyq isti tergep jatqanyn habarlaǵan bolatyn. Bul qylmystardy jasady degen kúdikpen Qairat Satybaldyuly ustalyp, ýaqytsha ustaý izoliatoryna qamaldy.
