© Sputnik / Bolat Shaihinov
Qairat Satybaldyuly ustaldy, - dep habarlaidy "Ult aqparat" Sybailas jemqorlyqqa qarsy qyzmetke silteme jasap.
"Sybailas jemqorlyqqa qarsy qyzmet "Qazaqtelekom" AQ-nyń laýazymdyq ókilettikterin asyra paidalaný jáne qarajatyn asa iri mólsherde urlaý deregi boiynsha qylmystyq isti tergep jatyr. Bul qylmystardy jasady degen kúdikpen Qairat Satybaldyuly ustalyp, ýaqytsha ustaý izoliatoryna qamaldy", - delingen Antikor habarlamasynda.
Sybailas jemqorlyqqa qarsy qyzmet Satybaldyulynyń memleket qaýipsizdigine nuqsan keltiretin basqa da qylmystarǵa qatysy bar-joǵyn tekserip jatqanyn atap ótti.
"Tergeý júrip jatyr. QPK-niń 201-babyna sáikes ózge aqparat tergeý múddesinde jariia etýge jatpaidy", - dedi vedomstvo ókilderi.
Aita keteiik, Qairat Satybaldyuly – Qazaqstannyń Tuńǵysh Prezidenti, Elbasy Nursultan Nazarbaevtyń nemere inisi.
