Kollaj: ulysmedia.kz.
Búgin Astanada onlain rejimde Qairat Satybaldyulynyń soty ótti. Ol sotqa tergeý izoliatorynan videobailanys arqyly qatysty, dep jazady Ulysmedia.kz.
Sot bastalar aldynda sýdia BAQ ókilderiniń protseske qatysý qajettigi, video jáne foto taratý máselesi jóninde taraptardyń pikirin suraǵan. Qairat Satybaldy tarapy oǵan qarsylyq bildirdi. Jábirlenýshi kompaniialar tarapy bul máseleni sot qaraýyna qaldyrdy. Aqyry, sýdia sot protsesinen video jáne aýdio taratýǵa shekteý qoiyp, bul tyiymdy buzǵandarǵa jaýapkershilik baryn eskertti.
Sotta advokat Qairat Satybaldyuly kinásin moiyndaitynyn, eki kompaniianyń 12 mlrd teńge jáne 28 mlrd teńge shyǵynyn ótegenin málim etti.
Satybaldyulynyń protsesi eki is boiynsha qaralyp jatyr. Onda «Qazaqtelekom» AQ jáne «TsTS» AQ-tan qarajattyń qalai jymqyrylǵany baian etiledi.
Tergeý nusqasy boiynsha, Qairat Satybaldyuly Shyńǵys Qońyrbaev degen azamatpen jáne «Qazaqtelekom» AQ ókili Leonid Mýravevpen birge afiilirlengen kompaniia ashqan. Ol kompaniia ulttyq kompaniia men klientter arasynda deldal bolǵan. Olardyń áreketinen 12 mlrd teńge shyǵyn kelgen.
Ekinshi is «TsTS» AQ-qa qatysty. Ondaǵy fakt aldyńǵy shemaǵa uqsas. 2014 jylǵa deiin «Tsentr transportnogo servisa» AQ kompaniiasyn «Qazaqstan Temir joly» ulttyq kompaniiasy ielenedi. Alaida 2015 jyly kompaniia tender arqyly 1,7 mlrd teńgege «TOO «Temir Triýmf» JShS-ǵa satylǵan. Onyń sońǵy benefitsiary Qairat Satybaldyuly bolǵan. Eki kompaniiadan sottalýshy men onyń deldaldary 28 mlrd teńge ielengen.
