© Sputnik / Bolat Shaihinov
Antikor jýyrda alty jylǵa sottalǵan Qairat Satybaldyǵa qatysty basqa da isterdi tergep jatyr. Bul týraly bas prokýrordyń orynbasary Áset Shyndaliev málimdedi, dep habarlaidy Sputnik Qazaqstan.
"Qairat Satybaldyǵa qatysty isti Sybailas jemqorlyqqa qarsy agenttik tergedi. Sotta tek eki epizod qana qaraldy – "Qazaqtelekom" jáne "Kólik servisi ortalyǵy" AQ boiynsha. Al basqa ister qazir tergelip jatyr. Ekonomikalyq máseleler qaralýda", - dedi Shyndaliev Májilis kýlýarynda.
Aitýynsha, qazir tergeýshiler salyq zańnamasy men qylmystyq jolmen alynǵan qarajatty zańdastyrý salasyndaǵy zańbuzýshylyqtardy tergep jatyr. Sonymen qatar Shyndaliev jazasynyń belgili bir bóligin ótegennen keiin Satybaldy shartty túrde merziminen buryn bosatýǵa ótinish bere alatynyn atap ótti.
26 qyrkúiekte Astana qalasynyń soty Qairat Satybaldulyna qatysty úkim shyǵardy. Nursultan Nazarbaevtyń nemere inisi alty jylǵa bas bostandyǵynan aiyryldy. Sonymen qatar onyń jeke múlki tárkilenedi.
Ol jazasyn qaýipsizdigi ortasha mekmede óteidi. Naýryzdan beri izoliatorda otyrǵan 1 kúni koloniiadaǵy 1,5 kún retinde esepteledi.
Biyl 13 naýryzda sybailas jemqorlyqqa qarsy qyzmet Qairat Satybaldynyń ustalǵanyn habarlady. Ol "Qazaqtelekom" AQ-nyń qarajatyn asa iri kólemde jymqyrdy degen kúdikke ilingen. Sondai-aq memleket qaýipsizdigine nuqsan keltiretin basqa da qylmystarǵa qatysy bar-joǵy tekserilip jatqany aitylǵan edi.
