Foto: © Sputnik / Bolat Shaihinov
Bas prokýrordyń orynbasary Áset Shyndaliev sottalǵan Qairat Satybaldynyń jazasy jeńildetý múmkindigine qatysty suraqqa jaýap berdi, dep habarlaidy Kazinform agenttigi.
Búgin Senattyń jalpy otyrysynan keiin tilshiler isti bolǵan Qairat Satybaldynyń sottalǵan merziminen buryn bosatylý múmkindigi týraly surady.
«Teoriialyq turǵydan alyp qarasaq, zańnamada merziminen buryn bosatý, neǵurlym jeńil jazamen aýystyrý siiaqty sharalardy qoldaný múmkindigi qarastyrylǵan. Osy rette, zańda belgili bir talaptar bar. Iaǵni tiisti merzimdegi jazasyn óteýi, keltirgen zalaldyń ornyn toltyrýy, sondai-aq túrmedegi onyń tártibi eskeriledi. Atap aitqanda, sottalǵan adamnyń merziminen buryn bosatylýyna nemese jazany jeńildetýge ótinish berý quqyǵy bar. Al sot osy ótinishti qanaǵattandyrýǵa nemese odan bas tartýǵa quqyly. Iaǵni, sottalǵan adamnyń ótinish berýge quqyǵy bar, biraq sot ony bosatýǵa mindetti emes», - dedi Shyndaliev.
Buǵan deiin habarlaǵanymyzdai, byltyr Qairat Satybaldyǵa sot úkimi shyǵyp, ol 6 jylǵa sottaldy.
